雅虎香港新聞 電影LOL︳《奪寶奇兵》《職業特工隊》新片大收 點解都要蝕1億？
暑假剩返2個禮拜，電影界大致上可以埋單計數。疫情過後大片密密上，聽落條數都唔錯，但又係咪一定有錢落袋？
外媒Variety嘅專題報導指出，今個暑假檔2套大片《奪寶奇兵︰命運輪盤》及《職業特工隊：死亡清算上集》成績算唔錯，《奪》全球票房至今累計3.75億美元（下同），《職》更威超過5億。不過高票房背後係高額支出，2套戲各自成本都要大約3億，加埋至少1億宣傳費同其他使費，行內人估計單計戲院放映的話，2套大片都會蝕1億美元，差唔多8億港紙！好在而家有串流平台，加埋其他版權同賣埠收入，要追平都有一線曙光。
不過呢個情況反映咗，疫情期間以至疫後時代，大片嘅開支越來越貴，暑假打頭陣嘅《狂野時速10》，拍咗3億4千萬，即使全球怒收7億幾，最終應該賺得少少。以往西片仲有中國同俄羅斯市場可以頂住，但呢一兩年兩地嘅外語片票房收入大不如前，俄羅斯再加多樣政治局勢有暗湧，此路不通了。都仲未計而家荷里活演員同編劇罷緊工，即使傾得掂都要加人工，電影生意係咪越來越難做？
今個夏天最具話題性嘅2套大片《芭比Barbie》同《奧本海默》，前者成本1億半，暫時票房收過10億；後者用菲林拍攝都係使咗1億，至今票房6億半。而家2套都大賣，仲要唔係續集片，證明好橋好故事同控制好成本，先係長勝方程式。
更多電影文章
電影LOL 今期睇咩戲︳陰目偵信／GT跑車浪漫旅／忍者龜：變異危機／新次元！蠟筆小新大電影
電影LOL︳荷里活殭屍片今年全仆？新片The Last Voyage of the Demeter開畫僅收成本15％
電影LOL︳《神奇女俠》爆羅生門 Gal Gadot實牙實齒話開第3集 消息人士：無傾過
電影LOL︳可愛樹懶好兇殘 新片Slotherhouse要你慢慢死
電影LOL︳《封神第一部》內地票房逆轉勝 靠口碑仲靠小鮮肉爆肌？
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
