雅虎香港新聞 電影LOL︳可愛樹懶好兇殘 新片Slotherhouse要你慢慢死
驚慄片一定有市場，只係爭在玩咩橋。呢期好似興玩動物獸性大發，《大毒BEAR》cult cult地重塑森林大熊take嘢過量致死事件；香港突然抽起唔上嘅《小熊維尼：血與蜜》又係玩「熊風」。嚟緊8月尾又有另一套同類電影Slotherhouse，兇手竟然係……樹懶？！
故事發生喺一間大學，女主角Emily為咗選到「姊妹會」會長，居然諗到唔靠蛇齋餅糉，而係養隻樹懶當吉祥物，靠賣可愛吸票，又真係俾佢贏到。但係後來「姊妹會」發生多宗離奇血案，Emily開始懷疑睇落得意又慢吞吞嘅樹懶……
有睇《優獸大都會》(Zootopia)都知，樹懶動作真係好……慢……，一分鐘可能最多行到5米左右，點樣手起刀落殺人唔眨眼？所以，你當呢套係cult片咁睇，觀感立即fit晒，因為睇trailer見到，隻樹懶係識碌facebook嘅。
Slotherhouse 都幾大陣B片味，但亦好有可能憑住呢種出格趣味殺出血路（？。編導演都唔係大名氣大卡士，作品亦唔算多，甚至套戲嘅所謂「8月底上映」，都只係得北美少數戲院有得睇。想睇可能要等串流平台，據講9月會上架，留返萬聖節睇就夠晒應節。
更多電影文章
電影LOL 今期睇咩戲︳電影多啦A夢：大雄與天空的理想鄉／極悍巨鯊2：深溝／鬼咁多大屋／我愛你！
電影LOL︳《封神第一部》內地票房逆轉勝 靠口碑仲靠小鮮肉爆肌？
電影LOL︳《芭比Barbie》官方帳戶抽水回應惡搞核爆圖 日本網民聲言抵制 華納發聲明道歉
電影LOL︳Barbie芭比繼續熱爆全球收7.7億美元 奧本海默衝4億 名導哥普拉大讚2片對壘
電影LOL︳《江湖》導演黃精甫轉戰台灣 新片《周處除三害》10月上映
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
