58歲鄧萃雯無懼展現歲月痕跡 眼紋額頭紋明顯：欣賞每一個年紀的自己

現年58歲鄧萃雯，近年轉戰內地發展，拍攝過《繁星四月》、《我們的當打之年》等劇集，亦頻頻上綜藝節目。日前，鄧萃雯為主演嘅話劇《鱷魚》於內地宣傳，以一頭長曲髮及花卉圖案長裙出席分享會，有網民就喺社交平台PO出當日現場照及與鄧萃雯嘅合照。雖然已經化上淡妝，但鄧萃雯眼紋和額頭紋亦相當明顯，不過就被網民激讚係自然嘅老去。

其實，鄧萃雯一向無懼展現歲月痕跡，除咗上月底於社交平台分享超近鏡大頭照，佢亦曾經大方分享過素顏照，讓真實膚質曝光，自信嘅笑容睇起上嚟神采飛揚，都無咩網民批評鄧萃雯嘅素顏樣，反而大讚擁有自然美。另外，鄧萃雯曾於去年國際婦女節期間分享自拍照，並指故意唔修圖，向婦女宣揚要欣賞自己嘅訊息：「我們不需要做女神，不需要活在別人的眼光和壓力下做個完美的女人，能接納自己和愛惜自己就很棒了，我也是個從十八歲就勞動至今的女性，更要為自己喝采，#作為女性首先要懂得互相支持鼓勵不要互踩和批評、#活給自己看不是活給別人看、#欣賞每一個年紀的自己」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！