電影LOL︳《江湖》導演黃精甫轉戰台灣 新片《周處除三害》10月上映

唔算多產嘅香港導演黃精甫，首部編劇及執導台片《周處除三害》將於10月公映。黃精甫2004年拍首套商業長片、由劉德華、張學友主演嘅《江湖》，為佢帶嚟香港電影金像獎最佳新導演獎項，05年執導《阿嫂》令我哋從此多咗位女神 － 劉心悠！

黃導唔算多產，之後只係執導咗《復仇者之死》及2011年嘅《保衛戰隊之出動喇！朋友！》，10年磨一劍事隔多年後，今年終於見到黃精甫去到台灣拍嘅新作《周處除三害》。故事講述通緝犯陳桂林（阮經天 飾）在角頭大哥告別式上囂張尋仇，卻發現自己竟然只是排名第三的通緝犯。

他查出前二名通緝犯的下落，要將他們一一除掉，以為自己已成為當代的周處除三害，卻沒想到永遠參不透的貪嗔癡，才是人生終要面對的罪與罰。電影相關消息一直高度保密，日前推出首支預告片公布演員陣容！

主角阮經天一向同「型男」掛鉤，預告片中由佢飾演嘅通緝犯就同型格零關係，又癲又喪又污糟，隨住劇情發展仲變埋禿頭，差啲認唔到！同片仲有近年超活躍、套套台片都見到佢咁滯嘅王淨，暫時未知佢同黑幫有咩關係，不過一出鏡就裸背，確實搶眼球！

預告片中仲有多位實力演員，包括我哋熟悉、憑《翠絲》成為金馬最佳男配角嘅袁富華；《陽光普照》金馬影帝陳以文、於《華燈初上》中飾演「彪哥」太入型入格引起公憤嘅李李仁，以及台灣苦情媽媽專業戶《華燈初上》「阿季」謝瓊煖等實力演員。

黃精甫導演與台灣金牌監製李烈合作，《周處除三害》引用古文典故道出黑聲仇殺故事，片段不乏港產片特色警匪追逐及槍戰連場畫面，加上阮經天突破性演出，作品令人期待！

更多電影文章

電影LOL 今期睇咩戲︳掃毒3: 人在天涯／東京復仇者／失衡凶間之惡念之最／名偵探柯南：黑鐵的魚影

電影LOL︳「沙人」爆料《蜘蛛俠》有望拍第4集 元祖級導演親自操刀？

電影LOL︳30億元人仔鉅片 《封神第一部》內地票房麻麻隨時蝕一半？

電影LOL︳《Barbie芭比》北美開畫高收1.55億美元創年度紀錄 《奧本海默》破8千萬帶挈戲院好生意

電影LOL︳暑假壓軸新片The Retirement Plan 又係尼古拉斯基治！又係老豆救女！

電影LOL︳荷里活演員罷工 湯告魯斯幫手斡旋 各大電影節準備變陣

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！