電影LOL︳30億元人仔鉅片 《封神第一部》內地票房麻麻隨時蝕一半？

內地導演烏爾善執導嘅史詩巨製《封神三部曲》首部曲《封神第一部：朝歌風雲》日前於內地上映。電影早於2017年開始籌備，投資超過30億元人民幣，原本於2020年上映，不過種種原因之下幾度延期足足3年，終於喺今個暑期面世。

《封神》耗巨資拍攝，3部曲目標票房係收100億，兼有打算開設主題公園！可惜計劃跟唔上變化，3年間加上疫情似乎內地觀眾口味有所變化，電腦特效、耳熟能詳嘅故事加上大堆影星如費翔、王渤、陳坤、袁泉都未能成功吸引觀眾入場！

電影20日首日下午6點首映，戲院好支持起勢排黃金靚場次，半日場次佔比高達17.3%，埋單4892萬，成為當日票房冠軍，不過睇埋第2位嘅成績就戥《封神》擔心，排第2位係已經上映13日嘅國產動畫片《長安三萬里》，收4857萬，《封神》只係贏一套上咗2個禮拜嘅戲，形勢確實唔多好！

至於同《封神》同日上映嘅《八角籠中》，係由王寶強自導自演，唔賣星光、講述涼山孤兒有啲慘情嘅故事，首日收4135萬。對比之下，可見《封神》票房表現相當一般。各大購票平台如貓眼等已下調票房預測，由原本嘅14、5億下降至12億左右。

根據貓眼實時數據，星期一(24號）戲院已經調整排片場次，轉排更多場次俾上映個幾星期有多嘅《長安三萬里》。《封神》唔好話大收，似乎連回本都做唔到，咁之後仲會唔會有第二、三部曲？

觀眾對《封神》反映麻麻，最大原因係改編經典故事卻冇新意，父子為權互相弒殺自古有之，可惜無著默父子關係，件事無投入位。本來仲有雷震子救父幾感人，不過篇幅勁短之餘，雷震子個Look唔多掂，史詩式場景拍唔唔到史詩式故事！

《封神》唯一亮點應該喺由于適飾演嘅姬發，以佢為首嘅「賀子旅」，幾位新人演員為戲特訓半年，位位操到超Fit，超養眼！

更多電影文章

電影LOL 今期睇咩戲︳奧本海默／Barbie 芭比／老公死亡筆記／惠子的凝視

電影LOL︳《Barbie芭比》北美開畫高收1.55億美元創年度紀錄 《奧本海默》破8千萬帶挈戲院好生意

電影LOL︳暑假壓軸新片The Retirement Plan 又係尼古拉斯基治！又係老豆救女！

電影LOL︳荷里活演員罷工 湯告魯斯幫手斡旋 各大電影節準備變陣

電影LOL︳演員工會罷工 藝人爭相踢爆片商慳錢賤招︰用AI取代茄喱啡

電影LOL︳涉及核爆敏感話題 網傳《奧本海默》被拒日本上映 電影公司未有明確表示

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！