雅虎香港新聞 電影LOL︳涉及核爆敏感話題 網傳《奧本海默》被拒日本上映 電影公司未有明確表示
嚟緊星期四上映嘅大片《奧本海默》，近日盛傳由於故事涉及美國二戰時期研發原子彈嘅故事，因此當年遭受轟炸嘅日本，有傳政府唔批准電影上映。
《奧本海默》以物理學家J. Robert Oppenheimer帶領嘅「曼克頓計劃」為題材，後來因計劃而研發出極大殺傷大嘅原子彈。盟軍當年向日本廣島及長崎投放原子彈，造成至少20萬人死亡，亦促使日本政府投降。
《奧》幾日後就會全球同步上映，但多間外媒向片商環球求證，都係話各地放映安排尚未落實。導演Christopher Nolan受訪時表示，佢希望作品可以接觸到全世界最多嘅觀眾，但又有所保留咁話「唔一定同時在全球放映」，令日本嘅情況更不明朗。
日本政府過去曾禁止部份電影上映，例如大島渚嘅《感官世界》就因為太血腥被禁；《大逃殺》上映前曾經因為暴力及擔心引起仿效都爭啲被禁。但以涉及歷史內容、觸及生還者及遇難者家屬傷痛處而被禁就較少。《奧》日本發行商(東宝東和）要平衡國內聲音同收益，相信要謹慎考慮。而喺全球大賣嘅2013年電影《狼人》，因為劇情指狼人喺長崎核爆時拯救將領矢田志(Ichirō Yashida）而引起迴響，最終喺日本只係收大約8百萬美元。
更多電影文章
電影LOL 今期睇咩戲︳兒凶：血色大門／貴公子／守護天使的失格／疫起／隨盲柳入眠的女人
電影LOL︳巨星也罷工！荷里活演員工會加入工潮 專家估計損失達40億美元
電影LOL︳《小丑》式瘋狂 殺手片專家洛比桑新片Dogman 又有愛狗男冧友？
電影LOL︳《職業特工隊 : 死亡清算上集》開畫全球收2.5億美元 《芭比Barbie》被睇好高開一倍
電影LOL︳《不能說的秘密》韓國拍完到日本 日版男女主角三地中最弱？
電影LOL︳《芭比Barbie》出現南海九段線被越南禁映 片商解畫︰絕無表態之意
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
