雅虎香港新聞 電影LOL︳巨星也罷工！荷里活演員工會加入工潮 專家估計損失達40億美元
繼編劇工會之後，荷里活另一勞工組織演員工會(SAG-AFTRA)都宣布，由於同代表資方嘅AMPTP無法達成協議，美國西岸星期四起發動罷工。今次係演員工會43年來首次工潮，連同5月已經開始展開工業行動嘅編劇工會一同罷工，更係63年來首次。
SAG-AFTRA嘅要求同編劇工會類似，都係希望薪酬調整同改善分紅制度之餘，亦提出工作不被人工智能取代，但工會主席Fran Drescher就指責資方唔尊重，因此無法好好溝通。當然AMPTP都反駁話演員工會對新合約條款冇提供實質提議。
明星工作最主要係拍戲同宣傳，罷工即係代表唔少開緊工嘅戲好可能要停工，而靠明星撐場嘅頒獎禮同首映都有機會受影響。正如日前《奧本海默》喺英國搞首映，麥迪文到場冇耐就閃人，以表示支持罷工，而作為製作公司老闆嘅佢都話有套戲因為罷工而要停拍。另一套網劇Special Ops : Lioness下周二嘅首映就因為工潮宣布取消。
至於下個月舉行嘅艾美獎，大會就暫時按原定安排進行投票，8月底嘅頒獎禮亦未有改動……住。影展方面，8月底開波嘅威尼斯影展回應話「而家無嘢可以做，抱觀望態度」，而9月初舉行嘅多倫多電影節，主辦方話會「繼續籌備」，期望事態有向好嘅發展。
拍攝中嘅大片《沙丘瀚戰》前傳劇集Sisterhood，據報由於合約形式有所不同，而家喺匈牙利布達佩斯進行嘅工作，仲可以繼續開工，唔受編劇工會同演員工會罷工影響。
根據CNN分析，今次編劇同演員罷工，可能造成高達40億美元損失，而且連同做後期嘅公司等好似唔關事嘅單位，都會受到波及。
更多電影文章
電影LOL 今期睇咩戲︳兒凶：血色大門／貴公子／守護天使的失格／疫起／隨盲柳入眠的女人
電影LOL︳《小丑》式瘋狂 殺手片專家洛比桑新片Dogman 又有愛狗男冧友？
電影LOL︳《職業特工隊 : 死亡清算上集》開畫全球收2.5億美元 《芭比Barbie》被睇好高開一倍
電影LOL︳《不能說的秘密》韓國拍完到日本 日版男女主角三地中最弱？
電影LOL︳《芭比Barbie》出現南海九段線被越南禁映 片商解畫︰絕無表態之意
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
