電影LOL︳演員工會罷工 藝人爭相踢爆片商慳錢賤招︰用AI取代茄喱啡

演員工會上周發動罷工，多套電影無法開工，唔少人會質疑「明星搵咁多錢，仲要加人工？公平咩？」。查實明星只係少數，行內唔少演員同你我他一樣打份工，更何況明星都自爆被片廠昆？

拍過《驚天動地》嘅男星尊古錫John Cusack，喺罷工發動後出post爆料，佢話自己80年代嘅代表作《愛情物語》（Say Anything）票房大賣，John有得分紅，但佢十年前睇返電影公司嘅財務報表，發現嗰一年套戲居然令片商蝕咗4400萬……講緊十年前，亦即係套戲上映n年後喎。John話《愛》成本只係1300萬，加埋發行成本都唔會好多開支，但仍然每年令片商「蝕」幾千萬，仲暗寸「會計真係好神奇」。

尊古錫仲踢爆，有電影公司想搵特約演員開一日工，再用電腦為佢地做面部掃描兼買斷肖像權，咁以後就可以用AI取代「茄喱啡」。尊古錫話「你估電影公司會唔會就咁收手？」，暗示日後有更多戲份嘅演員都可能被AI取代，直斥呢種技術係犯罪。難怪演員工會今次罷工極力爭取唔會被AI取代工作！

另一位影圈人、大導演奧利華史東，對於工會另一項關於串流平台分紅訴求，認為重播所得收入對編劇好重要。而2位拍過Netflix美劇Orange is the New Black（《勁爆女子監獄》）嘅演員近期都話，呢套劇嘅分紅少得可憐，甚至比起19年前客串劇集，或者為電影配音而由電視重播所獲嘅分紅更少，要維持生計只好接更多嘅工作。而家你明白，點解演員要罷工未？

更多電影文章

電影LOL 今期睇咩戲︳兒凶：血色大門／貴公子／守護天使的失格／疫起／隨盲柳入眠的女人

電影LOL︳涉及核爆敏感話題 網傳《奧本海默》被拒日本上映 電影公司未有明確表示

電影LOL︳巨星也罷工！荷里活演員工會加入工潮 專家估計損失達40億美元

電影LOL︳《小丑》式瘋狂 殺手片專家洛比桑新片Dogman 又有愛狗男冧友？

電影LOL︳《職業特工隊 : 死亡清算上集》開畫全球收2.5億美元 《芭比Barbie》被睇好高開一倍

電影LOL︳《不能說的秘密》韓國拍完到日本 日版男女主角三地中最弱？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！