電影LOL︳「沙人」爆料《蜘蛛俠》有望拍第4集 元祖級導演親自操刀？

傳聞講多會成真？超級英雄電影接連失勢，漫威電影票房成績以商業片嚟講依然不俗，不過比起輝煌時期差天共地，最慘喺口碑下滑加上密集嘅角色，令觀眾追睇嘅意慾大大下降。暫時嚟講票房、口碑仲Keep到嘅似乎得「蜘蛛俠」！

由Tom Holland主演嘅新一代《蜘蛛俠》，拍咗3集反應都唔錯，一早有傳會拍第4集，仲已經進入前期籌備階段，但係遇上編劇及演員工會罷工，而Tom Holland亦宣布暫停演戲一年，相信即使落實，都未咁快有得睇。

喺漫威及DC電影中不斷出現「多重字宙」，但眼高手低、玩得牽強嘅唔少。《蜘蛛俠：不戰無歸》算玩得最出色，借「多重宇宙」玩埋情懷，帶埋初代「蜘蛛俠」Toby Maguire及二代「蜘蛛俠」Andrew Garfield登場，夠驚喜又夠感動！《不戰無歸》仲有首代壞蛋們登場，其中「沙人」無露面，不過搵返扮演者Thomas Haden Church為角色聲演。

近日Thomas Haden Church接受ComicBook訪問時透露，聽聞千禧初代版《蜘蛛俠》導演Sam Raimi，會同當年第一代「蜘蛛仔」Tobey Maguire再次合作製作新一集《蜘蛛俠》。Thomas講明如果成事，希望可以參與。

2002年由Tobey Maguire主演、Sam Raimi執導嘅《蜘蛛俠》系列非常成功，理論上導演因《蜘》獲得各大善里活片廠青睞，幫手復製超級英雄金蛋方程式，事實導演2007年拍埋《蜘蛛俠3》後就無再拍「超級英雄」，直到2022年先再次執導同類型題材《奇異博士2: 失控多元宇宙》。

Sam同蜘蛛俠緣份密不可分，因為《奇2》一樣有「蜘蛛俠」，只不過改由Tom Holland 飾演。導演拍完《奇2》後覺得電影世界充滿無限可能，鬆口表示只要係漫威電影宇宙，無論咩組合都有興趣，仲話自己好鍾意Toby Maguire同Kristen Dunst（飾演Mary Jane）。就算無任何具體計劃，剩係諗下3人再合作已經好開心咁話！導演明示暗示想再同Tobey Maguire拍《蜘蛛俠》，會唔會講多謝講真係有《蜘蛛俠4》？

更多電影文章

電影LOL 今期睇咩戲︳奧本海默／Barbie 芭比／老公死亡筆記／惠子的凝視

電影LOL︳30億元人仔鉅片 《封神第一部》內地票房麻麻隨時蝕一半？

電影LOL︳《Barbie芭比》北美開畫高收1.55億美元創年度紀錄 《奧本海默》破8千萬帶挈戲院好生意

電影LOL︳暑假壓軸新片The Retirement Plan 又係尼古拉斯基治！又係老豆救女！

電影LOL︳荷里活演員罷工 湯告魯斯幫手斡旋 各大電影節準備變陣

電影LOL︳演員工會罷工 藝人爭相踢爆片商慳錢賤招︰用AI取代茄喱啡

電影LOL︳涉及核爆敏感話題 網傳《奧本海默》被拒日本上映 電影公司未有明確表示

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！