電影LOL︳Barbie芭比繼續熱爆全球收7.7億美元 奧本海默衝4億 名導哥普拉大讚2片對壘

今個周末依然係《Barbie芭比》大戰《奧本海默》(Oppenheimer)，兩套戲個勢依然好勁！

上個周末全球票房收入已經過3億美元（下同）嘅《Barbie芭比》，今周末繼續保持強勁，海外市場收1.22億，北美收9300萬成為票房之冠，至今全球累計收7.745億，當中海外票房佔5成半，並且喺香港在內57個市場成為周末片王。女主角Margot Robbie曾經豪言《Barbie芭比》可以收10億，似乎俾佢開口中！

另一套話題作《奧本海默》，第二周票房回軟26％比預計中好。同《Barbie芭比》一樣，海外市場好數過北美本土，至今《奧本海默》嘅4億總票房當中，有5成半以上都係來自海外。

兩套戲為戲院帶來旺丁又旺財嘅景象，而且難得口碑都正面（《Barbie芭比》有9成爛蕃茄，即係好多人讚架啦），誰也搶不了誰風頭，呢種高質良性競爭，連大導演哥普拉都開聲讚好。

哥普拉喺IG(係！佢老人家都開咗IG，未follow就快手）出story話未有時間睇呢兩套戲，但觀眾為兩套唔係續集或者前傳嘅作品湧去戲院，就知道今次係電影界一大勝利。唉呀，《Barbie芭比》收得令開發Barbie嘅廠商Mattel想開續集添……

更多電影文章

電影LOL 今期睇咩戲︳掃毒3: 人在天涯／東京復仇者／失衡凶間之惡念之最／名偵探柯南：黑鐵的魚影

電影LOL︳「沙人」爆料《蜘蛛俠》有望拍第4集 元祖級導演親自操刀？

電影LOL︳30億元人仔鉅片 《封神第一部》內地票房麻麻隨時蝕一半？

電影LOL︳《Barbie芭比》北美開畫高收1.55億美元創年度紀錄 《奧本海默》破8千萬帶挈戲院好生意

電影LOL︳暑假壓軸新片The Retirement Plan 又係尼古拉斯基治！又係老豆救女！

電影LOL︳荷里活演員罷工 湯告魯斯幫手斡旋 各大電影節準備變陣

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！