電影LOL︳入場捧邦女郎Ana點知戲份cut晒 影迷告《緣來自昨天》預告片誤導

睇預告片揀戲是常識吧。trailer一定要好睇過套戲，因為免費嘅都做唔好，點叫人入場？但係貨不對辦又點好？法庭見啦！

美國有影迷睇完2019年電影《緣來自昨天》(Yesterday)嘅預告片，見到有邦女郎Ana de Armas出現，於是喺Amazon Prime上用4蚊美金租咗套戲。點知睇完先發現，戲入面Ana一滴戲份都冇！呢位影迷因為咁決定以集體訴訟告上法庭，尋求片商環球賠償500萬美元。

聽落好濕碎，而且係平民大戰國際級企業，你以為冇得打？就連環球嘅律師都做足準備，以「預告片都係藝術創作」為由，應該要當成言論自由一樣受到保障。而且預告同正片有出入係行內常見，《侏羅紀公園》等大片都係咁。不過法官唔係咁諗，佢認為創意唔可以凌駕於預告片本身都係廣告呢個性質，因此裁定案件可以由廣告及競爭法院處理。

《緣來自昨天》講述熱愛音樂嘅Jack一次意外後發現，全世界只有佢一個識Beatles，佢喺朋友面前彈Beatles嘅歌之後備受讚賞，甚至有機會出唱片上電視。Ana de Armas本來喺戲中演女明星，同Jack一齊出現名嘴James Corden嘅talk show，聽完Jack唱歌之後Ana對十分心動。

前作有《真的戀愛了》嘅《緣來自昨天》編劇Richard Curtis形容，Ana嘅演出直情係發光一樣。但係為咗唔好令Jack同Lily James演嘅好朋友條感情線有影響，只好狠心cut晒Ana所有戲份。

呢單官司仲未知告唔告得入﹐但係以後電影公司剪trailer時變相多一重顧慮。唔知第時可唔可以告埋「trailer好睇過戲」呢啲情況？

更多電影文章

電影LOL︳前途凍過水？The Rock確認DC新宇宙序章冇《黑亞當》份

電影LOL︳麥迪文推《阿凡達》片約唔見20億 占士金馬倫︰算吧啦

電影LOL︳《阿凡達：水之道》開畫票房僅僅合格 仍然好大機會破紀錄？

電影LOL︳超人失業！亨利卡維爾宣布「離職」 轉頭傳拍game改編新片

電影LOL︳堅持打真軍 Christopher Nolan拍《奧本海默》唔做CG 核試戲份堅炸

電影LOL︳有新城feel！金球獎提名名單 《阿凡達：水之道》未上映都有份爭最佳電影

電影LOL︳傳《復仇者聯盟》「快銀」Aaron Taylor-Johnson成新占士邦 連經典開場都拍埋？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！