雅虎香港新聞 電影LOL︳超人失業！亨利卡維爾宣布「離職」 轉頭傳拍game改編新片
又係華納DC啦，點跟得切呀喂。
10月下旬，「超人」亨利卡維爾喺IG拍片宣布將會回歸《超人》新電影，令一眾影迷放心晒。畢竟之前傳過前DC高層濱田Walter想換人，演《黑亞當》嘅亨利老友The Rock於是幫手加持，甚至bypass濱田向華納力sell亨利，就連《黑亞當》片中彩蛋都有亨利現身。大家鬆一口氣之際，點估到亨利卡維爾喺IG宣布唔會再做超人嘞。
亨利嘅聲明睇落都有啲骨，佢話十月被告知落實再演《超人》之時，而家DC嘅話事人James Gunn 同Peter Safran都未上任，並且話會尊重決定，因為James Gunn 同Peter Safran「有個宇宙要建立」。
因為幫Marvel成功打造《銀河守衛隊》而被賞識加盟DC嘅James Gunn，埋位之後著手搞《超人》嘅劇本。據外媒報導，新一套《超人》電影嘅故事，會以未變身前嘅Clark Kent做緊記者仔嗰陣為主線。James Gunn喺回答網友問題時，又透露同《蝙蝠俠》賓艾佛力商討過導演新片事宜，講到大家情投意合咁款，但仲未知賓艾佛力係咪會執導新《超人》電影。
早排亨利宣布辭演《獵魔士》，而家連《超人》都冇埋，係咪打算放長假？有消息話亨利可能有機會參演由電玩遊戲改編嘅新劇Warhammer 40000。身為機迷，亨利梗係恨拍呢類戲，不過而家外界只係知Amazon斟緊Warhammer 40000嘅版權，編導人選乜都未有。會唔會只係放聲氣呢？
更多電影文章
電影LOL︳堅持打真軍 Christopher Nolan拍《奧本海默》唔做CG 核試戲份堅炸
電影LOL︳有新城feel！金球獎提名名單 《阿凡達：水之道》未上映都有份爭最佳電影
電影LOL︳傳《復仇者聯盟》「快銀」Aaron Taylor-Johnson成新占士邦 連經典開場都拍埋？
電影LOL︳小丑女Margot Robbie拍《巴比倫》自肥 要求導演加戲咀畢彼特！
電影LOL︳《上流寄生族》導演奉俊昊新作Mickey 17 2024年3月先有得睇
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
