電影LOL︳前途凍過水？The Rock確認DC新宇宙序章冇《黑亞當》份

本來都唔多想理DC／華納嘅新聞，畢竟呢期真係講得太多，花生食得多都熱氣嘅。點知今日又有嘢爆！

DC出品嘅《黑亞當》男主角The Rock迪維莊遜，今日喺Twitter交代《黑亞當》嘅未來發展 － 就係冇發展！The Rock嘅聲明提到，佢同DC新任掌舵人James Gunn接觸過，確定《黑亞當》將唔會喺DC積極開拓嘅全新超級英雄宇宙第一部作品出現。而DC同The Rock嘅公司同意會搵個最佳位置，俾黑亞當加入DC宇宙。之後嘅都係客套說話「James Gunn同我識咗好耐，一定想大家都成功。我份人面皮好厚，有嗰句講嗰句……」，再加2句祝福。

想當初The Rock用咗15年時間，先至將《黑亞當》變成自己主演嘅超級英雄片，套戲早2個月上映，至今全球收近4億美元……聽落好彪炳，但查實《黑》未計宣傳開支，製作費埋單已經2億6千萬，收4億隨時都要蝕。以商業角度睇，《黑亞當》拍續集相當冇說服力。

而James Gunn亦似乎為咗砌好個DC英雄宇宙，寧願手起刀落，《超人》同《神奇女俠》新片都已經叫停，亨利卡維爾直情宣布唔做超人。如果計埋再早一輪，華納寧願蝕一億都要將做緊後期嘅《蝙蝠女》完全煞停，似乎直係下緊一盤好大嘅棋。亦即係話，我地好可能好快又有DC嘅消息要報啦。

更多電影文章

電影LOL 今期睇咩戲 ︳阿凡達：水之道／童話．世界／聖誅

電影LOL︳麥迪文推《阿凡達》片約唔見20億 占士金馬倫︰算吧啦

電影LOL︳《阿凡達：水之道》開畫票房僅僅合格 仍然好大機會破紀錄？

電影LOL︳超人失業！亨利卡維爾宣布「離職」 轉頭傳拍game改編新片

電影LOL︳堅持打真軍 Christopher Nolan拍《奧本海默》唔做CG 核試戲份堅炸

電影LOL︳有新城feel！金球獎提名名單 《阿凡達：水之道》未上映都有份爭最佳電影

電影LOL︳傳《復仇者聯盟》「快銀」Aaron Taylor-Johnson成新占士邦 連經典開場都拍埋？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！