電影LOL︳受性侵困擾變肥佬 班頓費沙回勇之作《鯨》首映全場起立6分鐘致敬

《盜墓迷城》型男主角班頓費沙,當年以眼大長髮爆肌三大賣點,成為荷里活男神,但係人氣無以為繼,更加試過5年冇新作上映,又被傳媒影到佢中年發福,笑佢大崩壞。

隔幾年就有演員強勢回歸,今年嘅代表人物正正係班頓費沙。佢喺新片《鯨》飾演因伴侶逝世而患有暴食症、令體重狂升至600磅嘅男同志,演技令人刮目相看,喺威尼斯影展首映完畢後,全場觀眾起立6分鐘致敬。班頓費沙鬱埋咁多年,當堂泣不成聲。

班頓費沙2018年#METOO運動風潮時提到,主辦金球獎嘅荷里活外國記者協會,前主席Philip Berk多年前喺記者會度非禮佢。班頓費沙因此備受打擊,加上離婚同喪母等際遇,令佢更少參與幕前演出。對上一套戲,已經係9年前只係拍嚟出DVD嘅Breakout。

《鯨》嘅導演Darren Aronofsky拍過《拼命戰羊》,令過氣多時嘅米奇洛基成為金像獎男主角5強。班頓費沙有呢個機會當然搏盡,每日開工都要坐幾個鐘進行特技化妝,變身成為600磅巨人,拍到頭都暈,但亦令佢體會到超重嘅苦處。《鯨》12月將會喺美國上映,相信有機會爭奪奧斯卡。

坎坷過後有艇搭,班頓費沙仲接拍咗大導馬田史高西斯嘅全新製作西部片Killers of the Flower Moon,下年有得睇。美中不足係班頓另一套新作《蝙蝠女》已經被電影公司煞停,不過捱過呢一關,相信班頓日後會有更多演出機會。

更多電影文章

電影LOL 今期睇咩戲︳孤疑前傳/獸獵/三千年的渴望/一日,在片場打雜的我,俾老細叫去做導演/惡的序章/拜金女王的性愛派對

電影LOL︳網友炒GAMESTOP打大鱷拍成電影 下個月開鏡 最強卡士係個導演!

電影LOL︳《爸爸可否不要老》導演再拍安東尼鶴健士 新片The Son再刻劃家庭事

電影LOL︳哈利波特繼續崩壞 Daniel Radcliffe爆炸頭二撇雞造型演一代惡搞歌王

電影LOL︳《魷魚遊戲》後升呢做導演 李政宰新片HUNT韓國票房連贏3周

電影LOL︳《明日戰記》開畫累積收近600萬 破今年華語片紀錄

電影LOL︳《蝙蝠女》被下架 導演連影片檔案都拎唔返

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!