電影LOL︳姜濤主演台片《我的天堂城市》台灣票房失利僅收41萬 逆轉要靠香港姜糖？

姜濤去年中遠赴美國紐約參演電影《我的天堂城市》，電影上月中喺台灣公映前，姜濤前往台灣宣傳新片。台媒早知姜濤人氣勁，每每以「香港人氣天團成員」形容佢。而姜濤台灣之旅，所到之處都人山人海獲得大批粉絲迎接，直接將西門町逼爆變「姜濤町」！

《我的天堂城市》係姜濤首度衝出香港之作，電影票房自然成為焦點所在。在台姜糖當然力撐，更有香港fans專程飛去台灣睇戲支持。開畫初段《我》一度拿下票房冠軍﹐收入更過百萬，可惜後勁不繼之下票房未如理想。根據台灣「國家電影及視聽文化中心」公布截至10月1日數據，《我》僅收168萬3千幾台幣，銷售票數大約6千7百幾張，同宣傳時嘅氣勢有落差。

姜濤首套電影《阿媽有咗第二個》去年喺香港上映時，票房逼近4300萬，成為全年港產片收入榜季軍。但係喺台灣上映時（以《媽的星寵兒》為片名），票房只係43萬台幣左右。因此相信本周《我的天堂城市》喺香港上映時，以姜濤返到「主場」嘅叫座力，應該可以輕易超越台灣嘅成績。

《我的天堂城市》講述幾位年輕人為了夢想的生活，來到看似天堂的城市－紐約。失戀窮困的留學生智美（宋芸樺 飾），在工作與現實生活之間處處碰壁；朝聖嘻哈街舞的青少年傑克（姜濤 飾）面對工作與情感的兩難抉擇，以及面對家庭問題與孩子心理疾病壓力的移民夫妻家生（姚淳耀 飾）和小慈（魏蔓 飾）。

更多電影文章

電影LOL 今期睇咩戲︳紮職2／絕對追擊／玩謝華爾街行動／忌怪島／星夢學園10th Story

電影LOL︳米高曼親口確認開拍《盜火線2》 Adam Driver疑似演年青版羅拔迪尼路

電影LOL︳《驅魔人：信仰者》輸口碑贏票房 《汪汪隊立大功：超班大電影》收破1億

電影LOL︳本尊加持 女主角搶鏡「貓王嫂」Priscilla傳記片收好評 變陣強攻奧斯卡

電影LOL︳金馬獎入圍名單公布 姜濤「細佬」黃梓樂同林保怡爭男配角 余香凝鍾雪瑩首度角逐影后

電影LOL︳大片唔收得 片商轉攻紀錄片 Elon Musk自傳紀錄片版權爭崩頭

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！