電影LOL︳米高曼親口確認開拍《盜火線2》 Adam Driver疑似演年青版羅拔迪尼路

90年代警匪片經典《盜火線》 (Heat)一直有傳會開拍續集，結果傳下傳下，續集竟然係以小說形式率先面世。咁電影呢？《盜火線》導演米高曼（Michael Mann）剛過去周末就親口話「我下套要拍嘅戲，就係《盜火線2》」。

新片Ferrari早前拍攝時，米高曼同拍檔Meg Gardiner寫下《盜2》小說，故事線一共有2條﹐一條係可以話係《盜》嘅前傳，另一半就係延續。但之前有報導話，《盜2》小說唔算係電影原著小說，因此《盜2》電影故事會係點，好可能睇戲先知。

當年《盜火線》雲集羅拔迪尼路、阿爾柏仙奴同韋基馬三大演技男星，而《盜2》卡士應該都係實力行先。年初外媒Deadline爆料話，米高曼新片Ferrari嘅男主角Adam Driver疑似會演年青版羅拔迪尼路，仲話片商華納已經接觸佢。可能因為演員工會罷工未完結，有記者問起米高曼係咪會搵Adam Driver拍《盜2》時，導演好識做咁話「可能啦哈哈哈」就輕輕帶過，再大讚同Adam Driver拍Ferrari時合作得好好。

假如真係由Adam Driver演年青版羅拔迪尼路片中角色Neil McCauley，咁其餘2個角色又應該搵邊2位演員？大家不妨腦補一下。

更多電影文章

電影LOL 今期睇咩戲︳紮職2／絕對追擊／玩謝華爾街行動／忌怪島／星夢學園10th Story

電影LOL︳《驅魔人：信仰者》輸口碑贏票房 《汪汪隊立大功：超班大電影》收破1億

電影LOL︳本尊加持 女主角搶鏡「貓王嫂」Priscilla傳記片收好評 變陣強攻奧斯卡

電影LOL︳金馬獎入圍名單公布 姜濤「細佬」黃梓樂同林保怡爭男配角 余香凝鍾雪瑩首度角逐影后

電影LOL︳大片唔收得 片商轉攻紀錄片 Elon Musk自傳紀錄片版權爭崩頭

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！