電影LOL︳新版《白雪公主》女主角踩原著過時 原版電影導演兒子發聲批侮辱

迪士尼近年將多套動畫翻拍成真人版，但係選角同故事務求「政治正確」都備受爭議。《小魚仙》已經係一個例子，不過《小》埋單全球收5億6700萬（美元，下同），係成本嘅2倍，計埋串流同賣俾電視台算係贏，難怪迪記繼續呢種玩法。

早前新版《白雪公主》女主角確認係《西城故事》影壇新貴Rachel Zegler之後，唔少人都負評鬧爆。不過外表以外，更多人鬧嘅可能係Rachel上年10月受訪時一番話，當時佢話「個故事係1937年面世，好係嗰個年代，焦點放喺愛情線，而嗰個男人跟蹤佢…好怪囉（x2），所以我地新版唔會講呢啲」。咁新版故事又係咩呢Rachel？「白雪公主唔會再要王子打救，唔會戀愛大過天，佢會想像自己成為賢君，而佢知自己做到」。唔。

呢番話近排浮返上水面後，英國《電訊報》搵到曾經係動畫師、亦係1937年版《白雪公主》卡通電影嘅導演個仔David Hand講兩句，迪士尼創辦人華特迪士尼可以話係佢嘅叔父。年屆91歲嘅David相當好火，認為Rachel口中嘅新版《白雪公主》根本係另一個故仔，佢完全唔buy，並且相信佢伯爺同華特迪士尼都唔會認同。David Hand直言「老實講，咁樣搞啲經典戲，對迪士尼先生同家父都幾侮辱……我估佢2位知道的話，會喺棺材彈起身都似！」。

老一輩唔buy，新一代網民都未必收貨。有tiktok用戶話「同人相愛唔等於反女性主義、想做家庭主婦同要變得溫柔」，對於新版白雪公主「想像自己成為賢君」，網民話「唔係個個女人都想做領袖同埋渴望掌權」。

其實《白雪公主》個故事咁過時，點解唔開條新橋用個新牌頭嚟拍呢？可？

更多電影文章

電影LOL 今期睇咩戲︳藍甲蟲／全個世界都有電話／暗殺風暴／烏托邦浩劫／租嚇／麵包超人大電影

電影LOL︳早過《Barbie芭比》十幾年構思 大富翁遊戲電影版仲未拍得原因係……

電影LOL︳《奪寶奇兵》《職業特工隊》新片大收 點解都要蝕1億？

電影LOL︳分紅冇份袋 假撫養真歛財？《守護有心人》原故事黑人養子控告養父母一家

電影LOL︳荷里活殭屍片今年全仆？新片The Last Voyage of the Demeter開畫僅收成本15％

電影LOL︳《神奇女俠》爆羅生門 Gal Gadot實牙實齒話開第3集 消息人士：無傾過

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！