雅虎香港新聞 電影LOL︳早過《Barbie芭比》十幾年構思 大富翁遊戲電影版仲未拍得原因係……
《Barbie芭比》大收10億美元，成為片商華納史上最賣座電影。食過翻尋味，早前已經有傳，出品Barbie公仔嘅玩具商Mattel有意將旗下多項玩具，發展成一套套電影，連UNO卡牌遊戲都想開發！
玩具變電影呢個idea，原來早喺《Barbie芭比》推出前十幾年，名導列尼史葛就已經有呢個諗法，但係佢想改編嘅係……大富翁。
外媒Collider報導，喺《變型金剛》電影大賣之後，擁有《變》版權嘅玩具生產商孩之寶(Hasbro），2008年時想同環球影業以桌面遊戲同玩具開發電影，而大富翁係首批著手研究電影版嘅遊戲／玩具之一，仲要搵到列尼史葛搞呢壇嘢，聽落冇得輸。
不過咁，玩過大富翁就知，遊戲過程就係擲骰、起屋、踩地賠錢，可以好刺激但亦好漫長，打麻雀都仲可以話拍「四人歸西」啫……於是，有傳孩之寶希望套戲一定要有大富翁副game以及嗰位大富翁icon人物等等元素，又有傳劇本轉咗去講地產霸權同人性貪婪，但係監製就話故事會係以一個沉迷玩大富翁嘅人，一覺醒來入咗大富翁個世界。
唔理係邊個版本都好，《大富翁》結果都係冇拍成，原因？報導話因為《變型金剛》隨後幾套電影票房每況愈下，令片商對呢類「玩具片」有戒心。後來孩之寶同環球亦無再合作，反而搵其他公司幫手，不過出品嘅都係細片。而大富翁呢個構思，2015年轉手賣咗畀另一片商Lionsgate，曾經公布會正式開工，但拖拖下到2019年先再聲氣，話《大富翁》主角會係諧星Kevin Hart（即係喺奧斯卡被WIll Smith兜巴星嗰位）。
然後就沒有然後，直到今個月，Lionsgate宣布收購娛樂公司Entertainment One嘅影視業務，賣方正正係孩之寶。可能因為Barbie彈起，收購消息傳出後，孩之寶商層放聲氣重提《大富翁》呢個project，仲話會計劃籌備開拍喎。
更多電影文章
電影LOL 今期睇咩戲︳藍甲蟲／全個世界都有電話／暗殺風暴／烏托邦浩劫／租嚇／麵包超人大電影
電影LOL︳《奪寶奇兵》《職業特工隊》新片大收 點解都要蝕1億？
電影LOL︳分紅冇份袋 假撫養真歛財？《守護有心人》原故事黑人養子控告養父母一家
電影LOL︳荷里活殭屍片今年全仆？新片The Last Voyage of the Demeter開畫僅收成本15％
電影LOL︳《神奇女俠》爆羅生門 Gal Gadot實牙實齒話開第3集 消息人士：無傾過
電影LOL︳可愛樹懶好兇殘 新片Slotherhouse要你慢慢死
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
