電影LOL︳輪到《魔海奇緣》拍真人版 The Rock毫無懸念做男主角

近年迪士尼不停開拍經典動畫真人版，成品好壞參半，似乎唔夠動畫本身咁歷久常新。好似由金像大導Rob Marshall打造，即將上映嘅真人版《小魚仙》，由公布選角至宣傳照，一路負評！女主角變黑人唔緊要，網民嫌佢唔夠靚；連戲中飾演王子嘅Jonah Hauer-King都被劣評，網友批評1995年出世27歲嘅佢，有一陣油膩大叔除，完全無王子feel!

面對大風大浪，依然無阻迪士尼翻拍真人版，最近拍板改編《魔海奇緣》！動畫於2016年上映時好評如潮，全球收獲64億美金票房，上映至今受歡迎程度不減，KEEP住喺迪士尼串流平台最多人睇TOP 15！

電影開拍消息毫無預警下由"The Rock" Dwayne Johnson喺自己IG發布，當初佢為動畫聲演茂宜一角，依家做埋真人茂宜，一定無選角爭議！Johnson表示自己有幸可以主演呢套同佢文化背景有關嘅電影，並為故事中鬥士精神感到自豪。主演以外佢仲會擔任監製一職。

真人版為保原汁原味，動畫版編劇Scott Sheldon、Jared Bush會回歸擔任真人版編劇，幫動畫版慕安娜配音嘅Auli’i Cravalho則為電影擔任執行監製。電影已經於夏威夷取景拍攝中，暫時未有公映具體日期。

雖然搵返原班人馬參與，不過跟開The Rock都知佢喺荷里活幾有SAY，之前主導DC嘅《黑亞當》仲加哂由自己友Henry Cavill嘅「超人」，可惜搞完場大龍鳳最後都係鬥唔過高層James Gunn，成個DC電影系列再次推倒重來！今次唔會變成大男主電影，話晒故事叫Moana，慕安娜先係主角！

更多電影文章

電影LOL 今期睇咩戲︳死屍死時四十四／超級瑪利歐兄弟大電影／AIR／妖怪圖鑑

電影LOL︳《Barbie芭比》真人電影海報預告片曝光 同Christopher Nolan新作《奧本海默》打對台

電影LOL︳伊藤潤二有份參與 荷里活改編《新・闇之聲 潰談》避過日漫被荷里活拍爛宿命？

電影LOL︳奇連伊士活疑似拍收山之作 算死草CEO終於開綠燈批准

電影LOL︳畫面繼續對稱 卡士繼續大粒 Wes Anderson 新片Asteroid City 6月有得睇

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！