【韓劇裡都是騙人的】南韓研究：50.8% Oppa曾有外遇

睇親韓劇，男主角往往對女主角一往情深，好似《太陽的後裔》嘅宋仲基咁，搞到人人都以為Oppa一個二個係暖男，仲會好深情專一。但做戲嘅嘢，你唔係咁傻咁天真信呀？

南韓姜東雨性醫學研究所委託調查機構訪問1, 090個30至70歲嘅南韓男女，發現419名男性中高達50. 8% Oppa試過偷食，而365名受訪女性中只有9.3% 畀過綠帽另一半載。嗱，10男人9個滾，南韓都唔例外，咪睇韓劇睇到上腦，以為Oppa真係完美先得架？

而點解男人偷食機率多咁多？專家就話男人到咗45歲更年期，男性荷爾蒙少咗，心靈會脆弱啲，覺得空虛寂寞凍，就想出去尋求安慰。搵老婆傾訴唔得嘅？偷食就偷食啦，把持唔住就把持唔住啦，諸多藉口。

除咗啱啱個原因，專家話自慰得多都會增加外遇機會。而且韓國Oppa就算覺得自己老婆已經好索好正，都係會偷食，講到尾都係貪新鮮啦？覺得出面啲嘢好食過住家飯啦？

嗱，點醒大家啦，咪再被偶像劇呃啦，Oppa唔一定係完美好男人嚟架。不過偷食呢樣嘢都係睇人嘅，你睇吓王寶強咪就係因為戴綠帽而要離婚，如果真係愛另一半，就唔會有外遇啦。