雅虎香港新聞 【香港好去處】港島南區賞花打卡一日遊 鴨脷洲滿開八重櫻／黃竹坑木盤工作坊／香港仔艇仔粉
香港各地的櫻花都相繼盛開，今次介紹的港島南區一日遊，會到鴨脷洲海濱長廊欣賞近日爆開的八重櫻，之後會坐全港最短程街渡去香港仔嘆碩果僅存艇仔粉，最後到黃竹坑DIY木紋理木盤，一日有齊食買玩兼打卡元素，無論情侶定親子都一樣適合。
—
下載全新Yahoo App
按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！
—
鴨脷洲海濱長廊：八重櫻滿開
今年香港花展於18區設置花圃，當中鴨脷洲海濱長廊的南區花圃，內有多棵八重櫻近日盛開，吸引不少市民前往打卡。八重櫻花瓣非常多又細，開花時有如牡丹一般花瓣多層堆疊，尤如一個個迷你花球，加上花朵顏色夠粉紅，相當「上鏡」！晚間長廊的燈塔形裝置會亮燈，尤如身處日本看夜櫻一樣浪漫。
鴨脷洲海濱長廊
地址：鴨脷洲平瀾街
舉行日期：即日起至4月19日
網址：按這裡
前往方法：從港鐵利東站A1出口步行約5分鐘
友和士多：必買！懷舊士多糕點
難得入到鴨脷洲點都要試試呢到名物，從鴨脷洲海濱長廊步行4分鐘去到友和士多。這間經營超過三十多的士多，專賣懷舊士多糕點，好似桂花糕、大菜糕、西米糕、鹹甜茶果等等，另有很多買少見少的懷舊餅乾如南乳餅、肚臍餅等，點都要買返少少做手信呀！
友和士多
地址: 鴨脷洲大街110號前舖
前往方法: 從鴨脷洲海濱長廊步行4分鐘/ 從港鐵利東站A2出口步行約1分鐘
鴨脷洲街渡：全港最短程街渡
從友和士多步行兩分鐘，便到達鴨脷洲街渡碼頭，大家可坐上全港最短程街渡。呢條香港仔避風塘內的航線，由香港仔小輪營辦，短短4分鐘的航行時間，可欣賞香港仔嘅漁村風情。
香港仔—鴨脷洲街渡
登船地點： 香港仔：香港仔海濱公眾登岸梯級 / 香港仔：香港仔魚類批發市場街渡碼頭
鴨脷洲：悅海華庭旁的浮動碼頭
電話：2873 0310
每程收費： 成人$2.5，小童(12歲以下)$1.3
流記香港仔艇仔粉：嘆碩果僅存艇仔粉
到達香港仔街渡碼頭可以試試碩果僅存的艇仔粉！流記香港仔艇仔粉大多數於香港仔沿海旁及香港仔漁市場一帶出沒，但穩陣起見，記得打電話查詢一下艇仔的位置! 其艇仔粉以梭羅魚同大地魚做湯底，鮮甜美味，上面放有燒鴨、魚蛋、叉燒、牛腩等，材料豐富。
流記香港仔艇仔粉
出沒位置：香港仔沿海旁及香港仔漁市場一帶
電話：9140 2628
小角落木作：DIY木紋理木盤
最後一站，從香港仔街渡碼頭步行約20分鐘，去到位於黃竹坑的小角落木作，來一個紋理木盤工作坊！工作坊會教大家了解木纖維特性、鑿刀使用技巧、雕刻紋理研究、上護木油等技巧，約2至2.5小時課程即可製作出一隻木紋理木盤，每位$420，有興趣就快快預約啦！
小角落木作
地址：黃竹坑業勤街35號金來工業大廈一座16/F AB室
網址：按這裡
前往方法：從香港仔街渡碼頭步行約20分鐘/ 從港鐵黃竹坑站B出口步行約3分鐘
更多相關文章
【香港櫻花】5大香港賞櫻熱點+開花預測 將軍澳單車館公園+鰂魚涌公園+科學園
【本地好去處】將軍澳辦年貨一日遊 新春花市+日式生活百貨店+純白文青Cafe
【本地好去處】大澳一日遊 大澳必食名物+打卡壁畫+文青雜貨店+玻璃屋下午茶
【香港野餐】5大野餐好去處+揀位攻略 歐陸建築+海景大草原+市區叢林打卡位
【香港野餐】4大懶人野餐準備 租借野餐籃+專人佈置+最強打卡場景
【本地好去處】青衣一日遊行程推介 青衣公園賞落羽松+觀景台看日落+美食街掃街
【香港賞花地點】 紅花風鈴木+櫻花+木棉花 春季花期情報+ 賞花公園推介
【狗狗好去處】九龍東寵物放電一日遊 寵物攝影+寵物友善營地+大草地睇日落
【行山路線】紫羅蘭山吊鐘花盛開 賞吊鐘花路線推介 打卡欄杆位+細看法定古蹟
【本地好去處】尖沙咀親子童心一日遊 全新香港樂高探索中心/小王子限定展/小丸子期間限定店
【本地好去處】錦田最強打卡行程 山系風鈴祭+迷你粉紅波斯菊花田+壁畫村
【本地好去處】Peppa Pig殺入鑽石山賀年 5米高金元寶熱氣球+3.5米高桃花樹
