香港消防員月曆2024|港版爆肌月曆大騷八舊腹肌 不輸澳洲版本
澳洲消防員為咗做慈善每年都會推出《澳洲消防員月曆》,一班健碩肌肉消防員大曬爆肌身型拍攝月曆,熱爆全城;早前其中3位猛男消防員更來港出席籌款活動。繼澳洲推出猛男消防員月曆,今年香港消防處將仿效澳洲消防員,推出港版爆肌消防員月曆。
港版消防員月曆雖僅得1月係爆肌消防員,其餘11個月都係其他主題,例如消防犬、消防船等等,但爆肌程度不輸澳洲版本,兩名消防員於火場前手持裝備,赤裸上身拍攝,大騷八舊腹肌和人魚線,非常養眼。而據悉,照片並無P圖,而其中一名消防員更加係健美先生。港版消防員月曆網上版已可於香港消防署網站下載,至於實體版則有待消防處公布,已經有唔少網民表示期待;不過都有部分網民批評港版消防員月曆製作粗糙:「用excel整?」、「點解唔可以揾個專業design,唔係好難姐」、「下面個日歷啲字體同間距真係痴線」、「真心唔OK,唔係身材既問題,人地澳洲影得似model又有小動物,宣揚吓正面信息咁,上面果啲(港版消防員月曆),好似淨係識提醒風高物燥,小心火警咁」等等。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!