馬德鐘推Job返港谷收視 湯洛雯趕造勢 搞笑贏口碑

湯洛雯拍完外景即趕來宣傳,非常盡心。
湯洛雯拍完外景即趕來宣傳,非常盡心。

無綫劇《雙生陌生人》上周收視下跌至13.5點,昨日一眾主角臨危受命谷宣傳,當中湯洛雯剛拍完外景即趕來;馬德鐘則預告之後劇情會大反轉,落足嘴頭推高收視!

馬德鐘、湯洛雯(靚湯)、賴慰玲、陳煒、蔣家旻、何廣沛與徐榮等,昨日在電視城宣傳新劇《雙生陌生人》,眾人為谷收視出盡九牛二虎之力,靚湯自爆早上剛拍完《隱門》外景即趕來;馬德鐘則專程安排返港,不介意失掉工作,完成所有宣傳後才到內地開工。

對於劇集首周收視未如理想,監製林志華坦言失望,因對作品好滿意:「上個禮拜大家有冇出街食飯、約人?我太太話超市冇人買餸,我又覺得香港市面熱鬧番,大家開心番係好事,劇可以遲啲追番嘅。」但他對劇集「後勁」有信心。

重口碑多於收視

馬德鐘認為收視受環境因素影響:「之後嘅劇情會好反轉,好有追看性。」又指收視非演員所能控制,靚湯表示認同,認為口碑最重要:「好多朋友傳訊息畀我,話馬德鐘演兩個角色好搞笑,評語好窩心。」本月6日生日的她,生日飯食唔停,可惜近日患上胃炎,眼見朋友食得開心,她卻只能食粥,非常冇癮!

至於賴慰玲對收視不感壓力,但預告之後將有爆炸性造型登場:「其中一個『最密實的性感』造型,着住全身綠色貼身衫。(身材玲瓏浮凸?)浮唔浮凸自己睇喇!我係拚咗條命去玩。」育有4歲兒子的她透露有意追多個,待完成劇集《婚後事》後,預計明年開始造人大計。提到好友何雁詩臨盆在即,她笑言無法分享經驗:「我都唔記得個仔點生出嚟,我原本順產,臨時緊急開刀,我懷疑自己有腦霧。」

馬德鐘向陳煒「出手」,七情上面。
馬德鐘向陳煒「出手」,七情上面。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能