馬貫東獲讚「最驚喜」門將 蕭正楠球王上身 狂扭有士哥

·2 分鐘文章
蕭正楠一扭一射,之後仲有助攻,戰鬥力十足!
蕭正楠一扭一射,之後仲有助攻,戰鬥力十足!

蕭正楠、徐榮及馬貫東平日斯斯文文,但一落場踢波即勇猛施展球技,阿蕭場內狂扭奪得首個入球,而守龍門的馬貫東獲封為「最驚喜球員」。

無綫《明星運動會》足球項目日前圓滿結束,藍、綠、紅隊分別由徐榮、楊潮凱及黃子恆領隊出戰,爭奪獎牌。紅隊成員蕭正楠不負眾望,過關斬將取得首個入球,之後他更以1敵2,為隊友製造入球機會,阿蕭昨日受訪時坦言:「我係波牛,由細到依家都咁鍾意踢波,細個平均3、4個月就踢爛一對皮鞋,呢排有同徐榮、黃日華踢波,今次球賽好好玩,啲同事簡直接近專業水平。」

徐榮由「嫩」踢到「熟」

藍隊亦有實力超卓的隊長徐榮與隊員黃庭鋒、馬貫東。黃庭鋒曾是校隊代表,主力前鋒位置;馬貫東今次擔任守門員,及時阻止敵方攻擊,更被香港足球隊前代表潘文迪封為「最驚喜球員」。

馬貫東坦言:「嗰日好開心呀!平時自己有踢嘅,總之一得閒就會去,不過呢排忙於拍劇少咗,賽前冇特別去準備,抱住一個享受友誼賽嘅心態去踢!」說到守龍門壓力大,他說:「守龍最難係集中力,好講求反應,因為攻勢係突如其來,一失誤就好難有人幫到。」

而徐榮向來都是足球猛將,他說:「平時有踢波,1星期都會踢1、2場,因為自己有跑步同踢開,所以賽前唔使點準備。(今次同班同事落場跟平時有咩唔同?)有樣嘢好唔同,我初初喺TVB踢波時,係隊入面最後生嗰個,隔咗咁多年後,嗰日睇勻3隊,自己變成最年長嗰個,感覺時光飛逝。」至於綠隊隊長楊潮凱擅長掟界外球,力度十足,加上有「坦克車」潘梓鋒衝刺力強勁,成為秘密武器。

藍隊徐榮夠經驗,馬貫東表現亦見驚喜,氣勢如虹。
藍隊徐榮夠經驗,馬貫東表現亦見驚喜,氣勢如虹。
馬貫東
馬貫東
綠隊由隊長楊潮凱領軍。
綠隊由隊長楊潮凱領軍。
紅隊出賽前,齊心誓師!
紅隊出賽前,齊心誓師!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能