現年28歲嘅馮盈盈（FYY）2016年參選港姐，獲得冠軍後即獲無綫力捧，除咗做大騷司儀、綜藝節目主持及拍劇之外，佢亦憑率直又敢言嘅性格，成為話題度及人氣兼備嘅TVB極速上位小花。最近馮盈盈喺社交網站自爆重返校園，於港大修讀碩士課程，隨即令人猜測佢另謀新發展，疑似為離巢鋪路？！

近日，馮盈盈喺IG Story上載一張佢喺港大校園對住電腦溫習嘅相片，並寫上：「Unity is strength #STUDYGROUP #HKU # MASTERSTUDY」，結果再次令人猜測佢另謀新發展，疑似為離巢舖路，似仿效朱千雪及麥明詩等人，離開娛樂圈尋求新出路。另外，亦有傳FYY覺得TVB親生女嘅長命合約好困身，所以唔想再續簽長約綁住自己，並有意轉投財經金融界。

馮盈盈喺上年7月已經喺IG上載一封CFA Level 1考試 (金融投資從業者專業資格認證）合格通知信，上面仲寫咗佢考獲及格嘅成績。而FYY亦表示自己會繼續考上去，當時已經引起網民揣測，佢係唔係為離巢轉行而鋪路。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！