[使徒估估估]究竟邊個先係第五個臥底？！

《使徒行者》劇情進入高潮，第五個臥底嘅身份終於揭盅，除咗已經確認嘅爆seed、釘姐、Kobe、已被殺嘅Ada之外，TVB仲列出其餘六個人選，到底會係以下邊一個呢？

歡喜哥－臥底指數：70%

歡喜哥一直係網民入目中嘅大熱門人選，憑佢曾經當差、又話想睇住囝囝大個仔做警察捉壞人嘅伏線，大家當正歡喜哥係最後一個臥底。不過因為歡喜哥有機會被殺，令大家開始懷疑自己係咪估錯，亦令歡喜哥係臥底嘅可能性降低咗，不過小編依然覺得歡喜哥係臥底，邊個話臥底唔可以死架？Ada

都死咗啦！

猜fing－臥底指數：20%

猜fing仲兇狠過歡喜哥，如果佢真係臥底，TVB

都有排解畫喇！

Yan－臥底指數： 0%

喂，唔好玩啦，如果佢真係臥底，做咩唔同其他卧底自爆身份先？佢都同Kobe成班人坐埋一枱商量大計啦！

Amy－臥底指數：30%

Amy太遲先出現，好多關於佢嘅嘢依然係一個謎，真係好難估。唯一肯定嘅就係，佢好恐怖，竟然可以令到歡喜哥咁驚

……

木蝨－臥底指數：10%

如果木蝨真係臥底，咁佢真係一個好成功嘅臥底，因為竟然可以暪過哂身邊所有警察。如果木蝨真係臥底，咁歡喜哥咪成條team

都係警察？

阿火－臥底指數：20%

阿火都無咗戲份好耐，如果佢真係臥底，唔知TVB要點喺之後幾集鋪排返佢啲故事……如果阿火真係臥底，嘩，咁佢就真係名符其實爆seed喇！大家都估佢唔到，仲唔紅到火？係嘞，佢真名叫張振朗。

睇到最後一刻，最後一個卧底終於揭盅，就係出咗只有幾集嘅Amy！