[呢期興?] 成龍 李學斌被貼大字報唱衰
成龍今年都真係頭頭碰著黑,頻頻出事。個仔房祖名北京吸毒被捕,上星期正式被控「容留他人吸毒罪」;今個月中新片《絕地逃生》嘅攝影師陳國雄又遇溺身亡,又俾人話佢哋劇組冇做好安全措施。仲未數完架。
早兩日有人喺多個地方,包括旺角洗衣街學校附近,同埋又一城接駁港鐵站行人天橋呢啲人來人往嘅位置,發現多張大字報,標題為『成龍又名陳港生真面目』。上面除咗大大幅大頭照之外,內容仲話佢
唔幫兄弟等等罪狀,內容都幾有誹謗成份。
呢張紙雖然好低成本,但係張貼者由荃灣貼到去大圍咁落力,睇嚟真係要向全香港嘅市民唱衰佢
。唔知故事發展會點呢?
除咗成龍之外,查小欣老公李學斌亦被人係又一城貼大字報話佢欠債唔還。其實李學斌今年5月嘅時候已經俾人搞過一次,兼且放埋當事人嘅身份證影印本同聯絡資料,而當時查小欣就話係惡作劇。而於尋日又俾人追債,小欣姐就表示大概知乜嘢人所為,並表示佢
老公無欠任何人錢,會保留法律追究權利。