專家:家中排名與性格無關 阿哥家姐唔一定識諗啲?

成日聽人講,做人家姐阿哥就一定有責任感啲,細佬妹就一定任性啲,到底係唔係咁呢?英國一份報章指出,兩項研究總共搵咗超過40萬人調查,發現根本責住感、社交能力、情緒等等其實同家中排行無關。

嗱,就好似大家話排中間嗰個圓滑啲有野心啲,但係其實當年講「這些機會不是屬於我的」嘅隱青阿源都係排第二,未下定決定脫毒前反而係佢細路打兩份家幫手養家。

講真,性格同家中排行咪又係有雞先定蛋先嘅問題。可能先天已經有責任心傾向,加上人人都覺得做最大嘅要讓細,咁自自然然就對哥哥家姐有嚴格啲嘅期望,佢哋咪可能有責任啲囉。

唔單止性格,2007年都做過一個研究,發現大少少嘅阿哥家姐智商都高3分左右,不過唔關基因事,只不過係因為父母對佢哋期望同教育方式唔同啫。

所以根本就係啲父母被咩「孻仔拉心肝」嘅傳統觀念洗咗腦,你一視同仁咪唔會發生咁大差別囉。記住啦,下次試下由細到大係咁同細路妹講:「你哋細啲,記得要好好照顧家姐哥哥。」,話唔定佢哋都可以有責任感呢?