10首電視劇老是常出現歌曲 邊首成功洗到你個腦？

娛樂LOL

一首成功嘅洗腦歌，除咗要日播夜播之外，仲要旋律易上腦，搞到首歌不停喺你腦海盤旋，同埋可以隨時哼到兩句。以下呢十首近年電視劇老是常出現嘅歌曲，有冇邊一首成功洗到你個腦？

image

譚嘉儀 《陪著你走》
《陪著你走》係《不懂撒嬌的女人》入面嘅插曲，每次講述Saving 同Cherry個段感情戲都必定會播。但係首歌真係播左太多次，基本上每晚都要聽幾次，搞到勁多網民投訴首歌煩到嘔。
https://www.youtube.com/watch?v=iwjOda4B5F8

image

譚嘉儀《印記》
雖然《我瞞結婚了》收視成績平平，大結局出現兩個黃翠如亦都俾網民插爆。但插曲《印記》得到唔少網民讚賞，仲話首歌充滿愛。
https://www.youtube.com/watch?v=FyWptcEXLJg

image

何雁詩《愛需要勇氣》
《致命復活》片尾曲基本上晚晚都會聽，何雁詩早排仲上載左越南版《愛需要勇氣》，仲拍埋MV，睇到一班網民勁開心。
https://www.youtube.com/watch?v=mr_3AOI0VAg

image

胡杏兒《春天裡》
喺《巾幗梟雄之諜血長天》中，胡杏兒成日都唱經典老歌《春天裡》，淨係第一集都已經唱左四次“朗裡格朗、裡格朗，裡格朗”，超級洗腦兼令人感到煩厭。

image

吳若希《完美的生活》
處境劇《愛·回家之八時入席》主題曲，一聽就聽足幾個月，喺劇中又不停咁播真係好洗腦。
https://www.youtube.com/watch?v=Y9V_IzVCGMM

image

何雁詩《最真心一對》
《EU 超時任務》收視高又獲得唔少好評，除左捧紅王浩信朱千雪呢對熒幕情侶之外，仲捧紅埋首《最真心一對》。
https://www.youtube.com/watch?v=aUgUOhC-nFo

image

陳展鵬 & 胡定欣《從未知道你最好》
《城寨英雄》片尾曲《從未知道你最好》無論旋律同唱工都好好，難怪攞到萬千星輝頒獎禮「最受歡迎劇集歌曲」之外，仲攞埋「勁歌金曲獎」及「最佳合唱歌曲金獎」。
https://www.youtube.com/watch?v=pL9b2V7oxJs

image

鐘嘉欣《一顆不變的心》
劇集《張保仔》嘅內容有可能唔記得，但首歌嘅旋律非常入腦，加上有嘉欣BB把聲又好聽，聽多幾次都唔會煩。
https://www.youtube.com/watch?v=fwBnXViBVqU

image

吳若希《眼淚的秘密》
《武則天》片尾曲每晚播一次，有時一集仲唔止播一次，即係睇完成套《武則天》，好可能已經聽左過百次《眼淚的秘密》，想唔洗腦都難。
https://www.youtube.com/watch?v=lLCkfvCmuLc

image

許廷鏗《記住忘記我》
《無心法師》主題曲《記住忘記我》仲早出過套劇集推出街，星夢可能諗住谷行首歌，可惜首歌唔争氣谷極都唔紅，仲俾人話似抄歌。
https://www.youtube.com/watch?v=9VI8pbRHHM4