12位大細路合體玩遊戲 姜濤使出彈額神功 Anson Lo痛到標淚

·3 分鐘文章
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片

【星島日報報道】MIRROR早前接受音樂平台訪問,大玩「蒙著嘴大電視」,難得12子合體,眾人都變回大細路,玩得非常投入,期間更笑料百出,教主Anson Lo接受大懲罰時被隊友捉住連環彈額頭,痛到標眼淚!

文:娛樂組

12子分成兩隊,「普通組」由Anson Lo(盧瀚霆)做動作,帶領Alton(王智德)、姜濤、Ian(陳卓賢)、Tiger(邱傲然)、Frankie (陳瑞輝),而「精英組」則由Edan(呂爵安)做動作,帶領Lokman(楊樂文)、Jeremy(李駿傑)、Jer(柳應廷)、Ak(江熚生)及Stanley(邱士縉)。首先由「普通組」先開始,Anson Lo 相當落力做動作,可惜隊友完全估唔到,更一副嫌棄的樣子,笑指:「你講幾多個字先!」「你知唔知自己做緊乜?」最後他們一隊只得6分。

扮花姐大肚腩

至於「精英組」的實力相對厲害得多,其中要估「花姐」兩字,Edan更做出大肚腩手勢來形容,AK則秒速估中,Jeremy即搞笑問:「點解花姐係咁嘅?」最後Edan一隊以15分勝出。

由於「普通組」大比數落敗,各隊員一致舉手投票由Anson Lo接受大懲罰,再全員通過由同組隊員姜濤負責彈對方額頭。AL非常緊張,大嗌救命表示︰「你哋畀我心理準備下先!」又叫Edan唔好捉住佢塊面,接 又問姜濤︰「你知道係彈額頭㗎?你隻手可唔可以高少少?」在AL扭扭擰擰下,姜濤狠心表示:「捉住佢隻手!」身邊隊友夾手夾腳捉住AL,在姜濤數三聲下完美擊中AL的額頭,姜濤更指,平時除咗練習唱歌跳舞,第三樣就係練彈額頭。

正當Tiger想說快啲再彈第二吓時,他口快快說:「趁佢(AL)未紅……」AK即搶 說︰「阿Lo未紅?」Tiger即刻解釋:「額頭未紅!」場面爆笑!當彈完第二吓時,AL已眼泛淚光,呆了幾秒,網民好笑之餘,亦紛紛留言表示心痛。落敗隊伍最後更要落力推介12子的口罩,姜濤表示:「每日根據你嘅心情,去用唔同嘅顏色。」而被彈完的AL似乎仲未回魂,笑指:「做緊咩啊o依家?」只簡單表示:「好舒服!」姜濤即刻借勢話:「咁嚟多次(彈額頭)……!」遊戲在歡笑聲中完結。

■姜濤使出絕招,彈到教主大叫救命。

■眾人幫手捉住Anson Lo,果然係好兄弟!

■Anson Lo面容扭曲,可想而知有幾痛。

■被彈完額頭的Anson Lo眼泛淚光,還有小小精神恍惚。

■Edan以大肚腩手勢形容花姐,夠晒大膽!

■全員一致通過由Anson Lo代表受罰,認真可憐。

娛樂

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能