【24小時開放】想野餐由朝玩到晚 識去一定去添馬公園

香港人最愁就係土地問題，但係位處市區黃金地段嘅添馬公園就有一大片草地，坐得攤得連做瑜珈都得，唔搵埋朋友一齊嚟野餐吹水真係嘥晒，日落夜景一流，可以由朝玩到晚。添馬公園24小時免費開放予公眾，唔好嘥咗呢個咁珍貴嘅空間，趁呢幾日天氣咁好，搵埋一大班朋友去添馬公園啦！

撰文：Si｜圖：新傳媒資料室、Instagram（原文刊於《新假期》）

添馬公園大草地任踩唔嬲 野餐之選

政府總部附近嘅添馬公園一直係熱門嘅野餐好去處。位於金鐘嘅添馬公園佔地17,000平方米，交通便捷，金鐘港鐵站一出，過條天橋就到，喺咁擠迫繁忙嘅金鐘竟然有咁大片草地，仲有無敵海景，簡直就係城市中的綠洲。平時公園嘅草地出晒名只作觀賞用途，但添馬公園喺正政府總部隔籬，仲有行政長官辦公室同立法會綜合大樓，草地都可以任踩唔嬲，大家要好好利用呢片草地先得，除咗野餐，大家仲諗唔諗到可以做啲咩呢？

華燈初上 日落夜景一流

去到添馬公園唔好坐一陣就走，行出少少就係中環海濱長廊，呢度嘅日落夜景都好靚㗎，享受吓徐徐海風，只要有三五知己一齊，由朝坐到晚都冇問題。添馬公園內有幾張雲石櫈，有聰明嘅網民發現就一就角度就可以拍出「天空之鏡」嘅效果，反轉晒嘅倒影非常清晰，同正宗嘅「天空之鏡」幾可亂真，小編覺得夜景嘅效果比日景更佳，建議等到夜晚先影。

有網民C Chow就拍左一段添馬公園日落靚景Time Lapse，拍出了添馬公園海景嘅魅力。

添馬公園
地址：金鐘夏慤道（顯示地圖）
開放時間：24小時開放
交通：乘搭港鐵至金鐘站，由A出口步行約5分鐘即達
查詢電話：2520 2321

延伸閱讀：

韓國便利店熱爆甜品 邪惡入口即溶Tiramisu

網紅打卡惹禍 人氣「馬爾代夫湖泊」原來有毒