3年前邂逅片段曝光 吳業坤Kawaii日本演員老婆大起底

3年前邂逅片段曝光 吳業坤Kawaii日本演員老婆大起底
3年前邂逅片段曝光 吳業坤Kawaii日本演員老婆大起底

歌手吳業坤忽然宣布閃婚,消息令人驚喜,雖然大家都好想知佢婚後演藝事業點發展,不過粉絲更想知嘅係老婆真正身份係邊個!吳業坤神神秘秘淨係甫出老婆背面照,不過都依然被起底,據知佢太太疑似係27歲日本演員濱口愛子(Aiko Hamaguchi),外形清純,5月1日更喺社交網宣布結婚,但就用咗花花Emoji將老公遮樣,有人仔細對比男方耳骨上嘅墨同女方指甲,表示相中一對新人無論身形或衣着打扮都同吳業坤夫婦極為相似,加上結婚時間同吳業坤宣布嘅相當脗合!

吳業坤淨係晒老婆背面照。
吳業坤淨係晒老婆背面照。
網友對比婚照,指新郎耳上嘅墨同吳業坤同出一轍。
網友對比婚照,指新郎耳上嘅墨同吳業坤同出一轍。
睇嚟網友都認定濱口愛子係佢新婚太太。
睇嚟網友都認定濱口愛子係佢新婚太太。

其實早喺2019年,吳業坤同愛子已經邂逅,一行四人大合照時,二人膊頭貼膊頭企,唱K片段亦同時曝光。見吳業坤激情獻唱日文歌,大晒好歌喉,而愛子就坐埋一邊拍手支持,個樣已經對吳業坤心心眼,同行友人亦留言:「與這些成員唱卡拉OK,真的很奢侈。是我一生中最好聽最精彩的卡拉OK。感激這個緣分。」

早喺2019年11月,吳業坤(右二)已經同濱口愛子(左二)邂逅。
早喺2019年11月,吳業坤(右二)已經同濱口愛子(左二)邂逅。
雖然唱K時隔咗一個身位。
雖然唱K時隔咗一個身位。
激情演唱。
激情演唱。
愛子(左二)已經心心眼。
愛子(左二)已經心心眼。

另外,愛子曾喺社交網透露生活基地將移至海外:「跟一直經常令我笑,很開心的伴侶一起,從今開始在身邊互相支持,想和他一直生活。最後想跟一直支持我的人說:每一位溫暖的心令我很開心,令我每日都可以努力工作。一直關照我的大家,今次想跟大家分享我結了婚的消息。因為之後我的生活據點會移到海外住的關係,4月尾我離開了經紀公司。」有日本媒體最近亦曾報道過愛子嫁畀「香港歌手」嘅消息,而愛子嘅社交網被發現喺吳業坤公布婚訊後2小時,就由公開轉為私人帳號,保密工夫做到足。

愛子本身身高1米64,出生自日本兵庫縣,曾任職記者同演員。至於吳業坤婚前已留日多月,預計下星期會返香港,更有傳二人前年已經喺屯門置業築愛巢。

仲有疑似拍拖時嘅情侶相。
仲有疑似拍拖時嘅情侶相。
Sweet爆!
Sweet爆!
27歲嘅愛子好靚女。
27歲嘅愛子好靚女。
真係恭喜晒!
真係恭喜晒!
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能