36歲「張秋」梁佩詩擺脫清純少女味 短髮形象被指似羅冠蘭

《哈利波特》電影系列中，除咗三位主角外，其他同學仔角色都好受關注，不時都會傳出佢哋嘅近況，喺劇中飾演哈利波特初戀對象嘅張秋都唔例外，佢由2005年《哈利波特：火盃的考驗》一直演到大結局《哈利波特－死神的聖物2》。今年36歲嘅梁佩詩（Katie），仍然活躍於電影及電視圈，仲已經成為人母，不過就唔再以清純少女形象示人，變成一頭短髮嘅輕熟女，更加有人話佢好似羅冠蘭。

梁佩詩於1987年開蘇格蘭出世，爸爸媽媽都係香港人，不過喺佢三歲嘅時候，父母離異，媽媽選擇搬返香港，而佢就同爸爸、繼母、兩個兄弟及一個妹妹繼續住喺蘇格蘭。佢曾接受傳媒訪問表示自己係喺3千人中脫穎而出，原本係一件好開心嘅事，不過由於佢喺電影中係哈利波特嘅初戀對象，仲要同佢有接吻戲，導致佢成為大家討厭嘅對象，受到唔少種族歧視及網上欺凌，令佢感到難堪。事隔多年，佢已經走出陰霾，繼續活躍於影圈（主力英國發展）。近年佢以一頭短髮嘅輕熟女形象示人，成熟味大增到有人覺得佢似羅冠蘭。佢仲喺一年前上載混血囝囝Wolf嘅照片到社交網站，更分享育兒日常，不過就未有公開另一半身份。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！