4件不能錯過旅遊新法寶

無論你係啱啱先訂機票，聽日就上機，定係一早已經計劃好，你都一定要做的事就係：執行李。而執行李每次都係會令人好頭痛，尤其而家又有好多唔同的限制，譬如100毫升以上液體，又唔可以放入手提行李… 不過值得慶幸的是，近年有好多方便旅行的設計面世，由便攜式圍巾頸枕到防盜袋，即係話你將唔會咁易唔見你的護照同銀包。

1. 圍巾變頸枕

坐長途機必備帶個旅行枕，但吹氣的成日漏氣，反而軟綿綿但大大舊嘅先好用，但真係好阻位。而呢個TRTL旅行枕 ，實情係一圍巾，運用咗靈活的“吊床效應”，去證明圍巾對頭同頸部都比一般的U形頸枕，更符合人體工學。 加上內裡係羊毛質料，凍都可以當披肩用。

價錢：£19.95（約$ 216港幣）

官方網頁：https://trtltravel.com/

2. 防盜拉繩袋

睇落好似好單薄，不過呢個袋的設計就絕對可以保障你的財物。防盜拉繩袋係用斜線性物料製成，仲有鋼鎖保護，用刀拮都唔穿。拉繩係由鋼絲製成，可以扣住張櫈又或者欄杆，唔怕扒手偷；另有阻隔盜取你信用卡同護照的功能。講到識飛天咁，盛惠千五蚊港幣。

價錢：£133（約$ 1432港幣）

官方網頁：https://www.indiegogo.com/projects/flak-sack-the-theft-resistant-drawstring-backpack#/

3. 藍色眼罩

係飛機瞓唔到點算好？呢個眼罩就幫到你，佢運用藍色光點去冷靜活躍的腦電波，鼓勵阿爾法腦電波狀態，話咁樣就可以放鬆你成個人，幫你入睡。不過小編就覺得佢同普通眼罩最唔同的地方就係可以包實眼睛周圍的地方，唔透光，但發曬藍色咁，會唔會過唔到安檢架？！

價錢：£15（約$ 160港幣）

官方網頁：https://www.dreamessentials.com/product-30/glo-to-sleep-sleep-therapy-mask

4. 記憶方塊（XY Finder）

你自問係咪一個大頭蝦，成日唔見護照、錢包或者鎖鑰之類的人？如果係咁呢粒記憶方塊就幫到你。你可以將記憶方塊連接到你任何的智能產品，譬如同步落你部電話，只要將記憶方塊同你成日唔記得拎既野放埋一齊，只要你一遠離佢某個距離，佢個GPS就會感應到，手機就會響，咁就唔洗驚再唔見或者唔記得帶野喇，但如果我成日唔記得帶電話呢？

價錢：£37（約$ 400港幣）

官方網頁：https://store.xyfindit.com/