4種乞人憎旅行相 小心招人話柄

我認呀，我承認當自己埋稿埋到面紅耳熱個陣，見到Facebook圈入面嘅朋友，日以繼夜咁post旅行照，個心突然長出一串葡萄，心諗：「你post夠未呀？」甚至有想暫時unfriend嘅衝動(當然最終都無咩嘅)。事實上，人地post相人地嘅事，你可以唔睇，當時人絕對無錯，但世間上真係好多玻璃心，唔想無啦啦招惹是非，post也要技巧，以下呢四種尤其討厭，你又認唔認同？

1. 無限放閃
小編好驚情侶放閃，尤其係旅行期間，non-stop地放閃，其實兩個人的大頭相，係香港影都一樣，對外人嚟講每一張都一樣，唔洗post咁多架。

2. 瘋狂自拍
如果呢位朋友係靚女嘅話，真係無問題。問題呢個事主質素麻麻，甚至中下，卻不知那裡來的自信，不停大頭自拍post相，其實景色應該會比較吸引。

3. 豬扒露肉照
小編身邊就有啲女性朋友真係會為咗去沙灘影相節食幾日，為求係Facebook post番幾張露肚臍相。有啲天生身材好嘅人就唔需要啦，但勁露肉真係唔知搏咩，露腰露腿露胸，都係個句啦，樣靚身材正無問題，豬扒真係免問。

4. 手信tag咗你，但唔係送比你
去旅行買一大堆當地特色產品就一定啦，買多啲比自己都完全唔會過份！好多人鍾意排到整整齊齊影張相，Post上網比朋友羨慕下。不過有啲人總怕人地睇唔到，係都要tag啲朋友仔，但重點！你無份嘅～叫人情何而堪呢！

原來去旅行post個相上Facebook都咁有學問，不過其實去旅行最緊要自己開心，post既相最重要令自己有個紀念啦！

相片來源: paradisefotografias @tumblr