50年後人人都有機器人性伴？

今時今日，電影唔單止係一個娛樂，重可以預知未來。《十年》預言嘅香港，比真實還要真實；還有幾年前一套《我的機械人女友》，一個永不衰老嘅「綾瀨遙機械人」，叫多少男士羨慕，估唔到有報道指2066年人們將可擁有自己嘅性愛機器人。有份研究呢個概念（Robophilia）嘅英國桑德蘭大學(University of Sunderland)德里斯柯爾教授（Dr. Helen Driscoll）表示，現階段仍無法被大家普遍接受，但隨著虛擬實境等技術變得更加完善，機器人將可以模仿、甚至是改善與人類伴侶之間嘅性愛體驗，未來將有些人會選擇機器人作為性伴侶，而非不夠完美嘅人類伴侶；佢重話，而家好多人都係網上「神交」，而家好多人係獨居狀態，佢地搵唔到可以一起過生活嘅伴侶，若能有性愛機器人，將可以提供他們心理上顯著的好處，不會再感到孤單。

無可否認機械科技改變世界，好似日本首個機械人酒店，唔少酒店都開始用機械人送餐，但呢個「Hi Bye」溝通模式仍處於零感情交流階段，而家講緊係同機械人拍拖甚至性交，就當我思想古老，無啦啦要同一班永不衰老完美機械人爭飯食，已經夠慘；即使贏咗，重要怕同機械人爭老公或老婆，要是小三係一個「全智賢機械人」，究竟當唔當出軌好呢？另一方面，年輕一代透過電腦電話傾計多過真正開口，溝通能力接近零，機器人嘅出現，只會令「電車的更電車」，男女朋友呢？買一個好了。