A.Lin下嫁許廷鏗阿哥 昔日𡃁模近況逐個數

·5 分鐘文章
A.Lin(裴殷)下嫁許廷鏗胞兄許永鏗(Wilson)
A.Lin(裴殷)下嫁許廷鏗胞兄許永鏗(Wilson)

當年以周秀娜師妹出道嘅「八模兵團」成員A.Lin(裴殷),早前宣布下嫁許廷鏗胞兄許永鏗(Wilson)。當年一班o靚模們喺寫真戰中鬥到你死我活,不過近年呢股熱潮已經減退,而昔日嘅o靚模亦各自發展。不如而家就同大家回顧一下o靚模們嘅最新動向,當中有人已經淡出娛樂圈、升呢做人妻、實力派演員,甚至成為內地當紅炸子雞。

周秀娜
現年35歲嘅周秀娜(Chrissie)係o靚模界嘅始祖,有「性感女神」之稱嘅佢喺09年推出個人首本寫真集《Kissy Chrissie》,當中嘅牙膏滴滿身及食甜筒滴漏相片更係佢成名之作,成功風魔萬千少男。近年佢開始轉型逐步封胸,向實力女演員進發,2018年憑電影《29+1》獲香港電影金像獎提名最佳女主角。 除咗踩入電影圈之外,娜姐亦有參與劇集拍攝,例如無綫《宮心計2深宮計》、邵氏《非凡三俠》及ViuTV《非凡三俠》等等。

周秀娜
周秀娜

楊穎
擁有四份一德國血統嘅楊穎(Angelababy),14歲已經開始擔任模特兒,由早年嘅日系少女打扮,到其後轉行High fashion高檔路線,都係唔少男士心目中嘅女神。人氣一直有升冇跌嘅Baby,除咗拍電影及做生意之外,佢亦選擇北上發展,現時已經係內地頂級一線女星。至於感情方面,Baby喺黃曉明嘅MV中擔任女主角,之後二人火速撻着,佢喺15年結婚並於17年誕下囝囝「小海棉」,不過佢哋就屢傳婚變。

楊穎
楊穎

文詠珊
文詠珊(Janice Man)14歲時被星探發掘,簽約模特兒公司後入行,一直有指佢同Angelababy明爭暗鬥,直至2007年佢哋各自發展。JM被黎明睇中並成為其娛樂公司旗下藝人,更獲封為「模Art」。努力轉型嘅JM,參與咗唔少電影拍攝,例如《内衣少女》、《赤道》、《大追捕》及《寒戰II》等等,仲試過連續兩年獲得金像獎最佳女配角提名。近年佢亦北望神洲,參演咗唔少劇集拍攝,演技受到內地觀眾肯定,成功闖出一片天。至於感情方面,JM與拍拖5年金融才俊男友吳啟楠(Carl)喺上年9月註冊結婚,榮升過億闊太。

文詠珊
文詠珊

陳俞希
現年32歲嘅陳俞希(Hailey),當年與盧頒之(Da Da)、陳嘉寶(Anjaylia)及蔡穎恩(Evelyn)等人被稱為「周秀娜師妹」,並於2009年推出寫真集「八模兵團」,深得唔少宅男愛戴。佢哋拆伙後更各有各發展,Hailey就嘗試唔同工作,例如拍劇、電台主持、加入DJ組合Monster Beez及電視節目主持等等。近年加入ViuTV後,主持咗唔少綜藝節目,例如《SE7EN》、《借宿一宵》系列及《金剛旅神團》等等,當中憑《晚吹—空肚講宵夜》中直率性格,成功入屋,唔少觀眾仲跟梁祖堯叫佢做「八婆」。

陳俞希
陳俞希

許穎
有「葛女郎」之稱嘅許穎(Phoebe),2011年推出由攝影大師米原康親自操刀嘅個人寫真集,不過當年因唔見電話導致自拍裸照外洩,但事件被人喺出寫真前嘅炒作,意圖谷人氣。近年佢已經退出淡出娛樂圈,轉行做繪畫工作,上年更開設畫廊,教畫畫及製作小擺設,成為美術導師。

許穎
許穎

謝芷蕙
曾經做過o靚模嘅網紅謝芷蕙(Cammi),當年一直被指與形象指導張學潤(Nel Nel)撞樣,2011年因網上流出與陳冠希嘅親密照而一啜成名。近年佢已經甚少幕前演出,轉攻直播界。另外,判若兩人嘅Cammi經常周遊列國,過住「闊太」生活。

謝芷蕙
謝芷蕙

胡淽喬
係前組合冬甩成員Annabella胡淽喬(前名胡心諾),於2009年至2012年推出多本寫真集,最為人熟悉嘅應該係參與無綫綜藝節目《美女廚房(第二輯)》,不過人氣一直唔及其他o靚模。淡出娛樂圈多年嘅Annabella,近年已轉當KOL。

胡淽喬
胡淽喬

楊焉
有「浸大E神」之稱嘅Carol楊焉(前名楊梓瑤),2008年參加香港動漫節「Bandai Girl」選舉獲得冠軍,2009年於《美女廚房(第二輯)》成為新一代美女廚神,繼而加入娛樂圈。2010年順勢推出個人寫真集《Huge》,寫真集中嘅相片作風非常大膽,當時真係睇到人「紅都面晒」,不過大家最記得嘅相信係佢喺電影《婚前試愛》嘅大膽演出。2014年Carol選擇與公司解約,淡出娛樂圈到辦公室做文員。近年佢成功考獲瑜珈導師資格,與拍檔合資開瑜伽教室。

楊焉
楊焉

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能