AK@MIRROR新紋身與阿Mo有關？疑情緒失控退出粉絲群組

近日人氣男團MIRROR正式復工，除咗推出新歌及播出主演劇集之外，成員們亦有傳出緋聞。Edan呂爵安被傳撻着「文青女神」袁澧林，而副隊長Anson Kong江𤒹生亦被傳出撻著前DJ麻利，兼爆出疑似情緒失控，仲退出粉絲群組。

近日Anson Kong江𤒹生為ViuTV新劇《打天下2》做宣傳兼進行拍攝，同時亦被傳出與前DJ麻利撻著。除此之外，AK近日再喺手臂上紋上新紋身，而紋身師亦有將呢個紋身上載到社交網站，唔少生粉（粉絲暱稱）都猜測新紋身圖案嘅意思，更有人估係同阿Mo有關，不過AK就喺粉絲群組澄清，並留言：「多謝大家關心，其實想講就會講」。

之後，有粉絲喺群組上載一張偷拍疑似AK背影嘅相片，仲話自己見到AK，不過就遭到AK否認。其後AK再喺群組連環爆seed，留言話：「係你哋全部都炒得」、「我炒自己，咁都認得錯，我真失敗」及「我炒自己離開算，你哋慢慢傾」，AK便自己退出粉絲群組。AK呢個舉動嚇親唔少生粉，有粉絲就懷疑AK疑因復工後嘅負面評論及緋聞而壓力過大。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！