Apink新歌《Dilemma》發音似粗口 普美得知大叫Oh My God
韓國女團Apink近日推出10周年紀念專輯《HORN》,而主打歌《Dilemma》亦開始進行回歸活動,不過呢首歌嘅「Dilemma」發音同廣東話粗口「X你媽」相似,引起香港網民高度關注。甚至有香港Panda(Apink粉絲名)轉告成員,普美及南珠知道後表現相當驚訝。
新歌《Dilemma》中,副歌部分不斷重複Dilemma,MV有一幕更喺成員耳邊講Dilemma,雖然「Dilemma」喺英文係指困境,不過唔少香港網民聽完之後都覺得好似廣東話粗口「X你媽」,仲喺網上瘋狂討論,紛紛留言話好似、好好笑及期待可以喺香港演唱會一齊唱等等。
近日更有Apink香港粉絲喺線上簽名會將似廣東話粗口告知Apink,普美知道後表現驚訝,即刻瞪大雙眼大叫「Oh My God」,而南珠就搞笑要求粉絲即場示範一次,之後仲唱出《Dilemma》,非常搞笑。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!