雅虎香港新聞 Ben Sir 歐陽偉豪與TVB約滿 即sell三條節目橋︰「睇妞團」有冇得諗？
喺TVB節目教授中文甚至粗口知識嘅Ben Sir歐陽偉豪，去年同TVB簽約成為藝人，殊不知原來一年多啲就已經完約。
事緣係Ben Sir參與作家健吾主辦嘅「傾偈會」，健吾提到冇咩人知Ben Sir同TVB已經完約，於是Ben Sir喺自己facebook再講一次合約已經喺七月完結。Ben Sir仲喺個post交出2個「感興趣的創作方向」︰一個係將佢多年來喺唔同學校教書經驗為材料改編成喜劇，「凸顯教育光怪陸離，學校矛盾虛偽的一面，帶出我們的教育將來是有希望的」。另一個係「全球廣東話大曬冷」，比較世界各地嘅廣東話有咩分別。
唔少網友都對呢2條橋有興趣，然後Ben Sir轉個頭又出post問大家「Ben Sir chill club 睇妞團有冇得諗？」，擺明向以前幫TVB拍嘅《Ben Sir睇樓團》致敬！
今年55歲嘅Ben Sir，80年代畢業於師範學院後到官立小學出任體育老師，後來報讀大學課程，用工餘時間完成中大學士及碩士課程。Ben Sir教廣東話了得，但佢呢2個學位都係主修英文！2004年Ben Sir開始於中大中文系教書，2005年取得科大哲學博士。2006年TVB節目《最緊要正字》搵Ben Sir做學者嘉賓，其生鬼講解方法深受觀眾歡迎，後來TVB再搵佢拍《學是學非》、《Ben Sir學堂》等節目，更於《男人食堂》的粗口學堂環節講解廣府話粗口。語言以外，TVB亦搵過投資有道嘅Ben Sir拍《Ben Sir睇樓團》等財經節目。幕前機會越來越多，Ben Sir喺2017年離開中大，拍劇搞社企拍廣告，瓣數多多。
是日精選
Ben Sir 歐陽偉豪與TVB約滿 即sell三條節目橋︰「睇妞團」有冇得諗？
擬育兒大計 賺夠學費先退休 馬國明呻喜事遭「疫」襲 否則結咗婚！
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
