《On Call II》結局總動員 吳啟華落力幫馬明拉票

【晴報專訊】吳啟華、馬國明、楊怡及岑麗香等人昨晚到油塘「大本型」與觀眾一齊收看《On Call 36小時II》大結局，有份角逐視帝的吳啟華笑言自己只是男配角，一早打定輸數，但感激無綫畀面他。 劇集《On Call 36小時II》昨晚安排大結局直播活動，除了一眾演員出席外，更吸引約600人圍觀。今年有份角逐台慶頒獎禮「最佳男主角」及「最受歡迎電視男角色」的吳啟華，曾表明有工作在身，未能出席今晚的頒獎禮，不過昨晚他透露參演的內地劇提早完成，所以會出席以示支持。被問到有否信心獲獎時，啟華笑言：「獎就冇得攞啦！其實我只是男配角，是無綫畀面，先畀我入圍競逐男主角獎項。」 有傳黎耀祥今晚會穿紅色衣服出席旺一旺自己，問啟華會否效法？他稱：「着咩色衫都無用，我會着黑色。」自言看好張智霖獲獎的吳啟華，隨即落力幫同劇的馬國明拉票，請打算投他的觀眾，改投給馬國明。 謙仔痛哭獲好評 同場的馬國明被問及上述事件，即笑笑口表示：「佢哋啲前輩無咩所謂，好似啟華、撈家（羅嘉良）、鎮宇哥，都係笑看風雲，不會有太大爭獎意慾，我哋啲後輩有獎，鼓勵作用會大啲。」問他是否想藉獲獎提高身價？馬明就說：「有獎當然開心，是一個肯定，不過唔一定是男主角獎，其他獎都可以。」 此外，有份競逐視后的楊怡說不在港的男友羅仲謙已投了自己一票，她也會投給自己。提起謙仔在劇中因車車（岑麗香飾）死去痛哭一幕演繹動人，楊怡說：「我有WhatsApp讚佢，佢話有好多人讚，多謝大家。」 採訪：倪小珊 攝影：Lego 編輯：陳禮恒