I SWIM ︳Jeffery魏浚笙首次擔正憑演技搶鏡 Edan反而被負評?

ViuTV重頭劇I SWIM尋晚首播,因為有MIRROR成員Edan(呂爵安)、Alton(王智德)同埋Stanley(邱士縉)連同首次擔正嘅Jeffery魏浚笙演出,仲要係攞正牌晒肌嘅游泳劇,當然萬眾期待。第一集出街後,網民有咩反應?

演員表現成為最多人討論話題,唔少人對於Jeffery嘅表現刮目相看,認為佢嘅演技最自然,睇得最舒服。劇中Jeffery嘅角色余浪沖為咗搵錢而喺學校做「生意」,滑頭世故得來唔乞人憎唔浮誇,確係幾難演。

I SWIM ︳Jeffery魏浚笙首次擔正憑演技搶鏡 反而被負評?
I SWIM ︳Jeffery魏浚笙首次擔正憑演技搶鏡 反而被負評?

演員講對白嘅咬字亦係劇迷關注重點,好多網友話除咗Jeffery之外,其他角色嘅對白都要睇字幕先知講乜。Viu好快就將其中一場戲當精華放上Youtube,而呢場戲亦正好反映出班演員講對白有幾lur!

拍劇經驗稍為豐富嘅Edan,反而成為唔少人負評對象。網友認為Edan嘅角色設定係求勝心強嘅固執少年,同Edan過去演嘅角色有好大分別,暫時睇只見到Edan做得較為表面。有人提議如果Jeffrey同Edan嘅角色互換,可能更有效果。

I SWIM ︳Jeffery魏浚笙首次擔正憑演技搶鏡 反而被負評?
I SWIM ︳Jeffery魏浚笙首次擔正憑演技搶鏡 反而被負評?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能