Jacky仔開展人生新一頁 宣布移居日本工作生活

·3 分鐘文章
Jacky仔開展人生新一頁 宣布移居日本工作生活
Jacky仔開展人生新一頁 宣布移居日本工作生活

精靈可愛嘅童星Jacky仔(王樹熹),相信有睇開香港電視劇集嘅朋友一定認識佢。唔經唔覺原來佢長大成人啦!上年仲喺城大媒體與傳播系畢業,早兩日佢仲喺社交網站上載咗張機場離境大堂嘅相,宣布自己已取得5年簽證,前往日本工作,而佢亦打算於當地定居和發展,不過就唔係向演藝嘅道路發展。

王樹熹
王樹熹

22歲嘅Jacky仔,2003年只有4歲時參加港台節目《點蟲蟲 開開心心學飛》,正式開展其童星生涯,拍過接近五十齣電視劇,例如《皆大歡喜》、《翻新大少》及《爸爸閉翳》等等。之後,佢因升中要專注學業,所以停止一切幕前演出,直至前年嘅《她她她的少女時代》先驚喜現身,飾演曹永廉少年版。早兩日,佢喺社交網站留言:「2020年嘅挑戰,直到2021年先實現到...其實⋯我要搬去日本工作啦🇯🇵~初時都係抱著試下嘅心情申請,竟然符符碌碌就合格咗。雖然去日本就代表要放棄香港嘅生活同工作,但係最後都下定決心挑戰,去一個似乎熟悉卻唔熟悉嘅地方,跳出自己嘅舒適圈。下呢個決定都係要多謝屋企人嘅支持同諒解,以及朋友一直嘅鼓勵(忍受我嘅抱怨),如果唔係都可能放棄咗。接近20年嘅演藝生涯(我都唔相信),好高興可以同觀眾以及一直支持我嘅粉絲一齊成長。今次嘅挑戰雖然唔係向演藝嘅道路發展,但係都係我宜家最想嘗試嘅事。我會繼續分享我係日本嘅經歷同埋趣事,希望你哋繼續陪著我啦!」

呢個PO一出,唔少網民都紛紛留言叫佢加油,例如:「Jacky仔加油呀!希望你多多更新在日本的生活」、「祝一切順利,加油」、「加油,一路小心」、「All the best Jacky, hope you get to learn a lot in Japan. Stay safe!」、「估唔到你已經咁大個,你細細個做戲已好好睇,加油呀,去到日本要學識獨立,照顧好自己。take care n add oil」及「知你一直都好鐘意日本,落咗唔少功夫。BTW祝你一切順利,喺日本照顧好自己,我們會繼續陪著你撐你」等等。

王樹熹
王樹熹
王樹熹
王樹熹
王樹熹
王樹熹
王樹熹
王樹熹
王樹熹
王樹熹
王樹熹
王樹熹

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!