Jacky仔王樹熹稚氣全消 日系打扮回港探親

相信有睇過TVB劇集嘅朋友一定記得精靈可愛嘅童星Jacky仔（王樹熹），唔經唔覺原來佢今年已經24歲。大個仔嘅佢喺前年宣布取得5年簽證，前往日本工作，並打算喺當地定居和發展，不過佢早前就返咗嚟香港探親兼四處觀光。

喺今年5月，Jacky仔相隔兩年半終於返香港探親，而佢亦有喺社交網站上載多張四處觀光打卡機照片，並留言話：「2年半無翻香港啦，要做下遊客要做嘅嘢」。從相中所見，Jacky仔嘅打扮非常日系，睇起嚟稚氣全消，有網民大讚佢靚仔兼成熟咗，不過亦有網民話佢外表崩壞咗，唔知大家仲認唔認到佢呢？

24歲嘅Jacky仔，2003年只有4歲時參加港台節目《點蟲蟲 開開心心學飛》，正式開展其童星生涯，拍攝接近五十齣電視劇，例如《皆大歡喜》、《翻新大少》及《爸爸閉翳》等等。之後佢要專注學業，所以停止一切幕前演出，直至2019年《她她她的少女時代》先驚喜現身，飾演曹永廉少年版。2020年喺城大媒體與傳播系畢業，2021年就喺社交網站宣布取得5年簽證，前往日本工作及打算於當地定居，當時得到唔少網民祝福。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！