【調教你MIRROR】MIRROR新歌《BOSS》宣傳海報出晒事？網民大彈：做乜個個都賭聖咁款？

「鏡粉」們期待咗好耐嘅ViuTV全新真人騷《調教你MIRROR》終於喺噚晚（7日）首播，MIRROR 12子到梅窩宿營12日接受梁祖堯（阿祖）調教，成員們透過相處和深情剖白變得更好更團結，同時亦令觀眾更了解MIRROR。MIRROR除咗有新節目出街之外，嚟緊仲有全新派台歌《BOSS》出街，不過噚晚公佈嘅歌曲宣傳海報被網民瘋狂劣評。

喺噚晚（7日），MIRROR官方社交網站上載歌曲宣傳海報，宣布將於聽日（9日）推出今年第三首派台歌《BOSS》，網民都紛紛留言話好驚喜同好期待新歌，不過宣傳海報嘅設計就令人不敢恭維。宣傳海報以黑色作為底色，成員們均穿上黑色型​仔西裝，不過佢哋好明顯唔係一齊影，有成員個頭比其他成員細。唔少網民紛紛留言大彈呢張海報，例如「d相影到咁都出得街」、「日本牛郎feel」、「做乜個個都賭聖咁款？#爭副啤牌 #同埋公仔麵」、「Jeremy 同 Lokman 個頭咁細嘅, 張相P到唔啱比例」、「影相 & Design 好似唔多掂喎」、「張poster真係睇到滴哂汗 靚仔變好娘⋯⋯」、「呢張相真係完全不能接受」、「好開心有新團歌 但係呢張poster係好似有啲出事」、「這張相……感覺老土呀」、「呢張相會唔會執得太差？」及「張海報好差…….咩事」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！