拒拍劇有代價 胡鴻鈞傳被無綫雪藏
話說近年無綫鬧花旦小生荒,好似林峯、胡杏兒等擔得大𣄃嘅決定出外闖。為咗解決呢個問題,無綫就開始重用新人,唱得兩嘴嘅胡鴻鈞(Hubert)都係目標之一。據報導講,Hubert一入行就講明只會向歌唱方面發展,但係都俾公司安排主持《勁歌金曲》,之前仲要參演劇集《衝線》同埋台慶劇《殭》。出名對住鏡頭會怕醜嘅Hubert終於忍唔住,向公司提出拒絕再拍劇嘅要求。
不過抗爭係需要付出代價。有雜誌引述消息人士話,無綫而家決定暫時唔會俾工作佢做。最慘嘅就係仲將Hubert出碟嘅計劃押後,索性掟埋佢入雪櫃。不過亦有消息指,TVB其實今次雪藏佢,另一個說法係有傳Hubert有意同許廷鏗過檔太陽娛樂。
嘩,係咪真架?係的話,都係嗰句,方丈份人……