Odilia由頭放到尾 大食嚇怕異性

組合Bingo成員Odilia出席大胃王比賽時，自認大食且持久力強，曾一度嚇怕異性，又戒重口味以免有礙近距離接觸。至於將參加跳舞比賽的BOP天堂鳥成員Gordon預了會受抨擊，31歲的他更揚言恨做姜濤，但遭前成員Tyrese揶揄是「老薑」。

Odilia（陳康琪）昨日跟早前宣布拆夥的組合BOP天堂鳥成員Gordon、Lincoln及Tyrese，還有新加盟唱片公司的龔柯允擔任火鍋店活動嘉賓。身形弗爆的Odilia自認是大胃王，每次食放題、火鍋都「由頭帶到落尾」：「我食好多嘢，因為食得慢會食成3、4個鐘，朋友都驚咗我。」

問食量驚人可會嚇怕異性？她直認試過，更笑言會「食窮郎」，不過依然有男士約她食飯，但笑言為保持吸引力，會嚴揀食材：「唔會食要(舌累)骨嗰啲，亦唔食會攝牙罅嘅芝麻，仲有避免食洋葱，因為怕傾偈時有味。」她表示近期積極做運動準備參加跳舞比賽，雖然瘦了，但慶幸胸部還有「少少肉」。

天堂鳥抽姜濤水？

同場的Gordon亦將參加同一個跳舞賽事，笑言屆時或會邊跳邊脫：「都壓力大，因為再唔係新人。（怕畀人批評？）我哋喺批評中成長，我都想做姜濤啦！」Tyrese即笑他：「係老薑，不過薑愈老愈辣。」

簽了邵氏的Lincoln表示忙拍無綫劇《愛上我的衰神》，透露與歌手谷婭溦會大戰連場，並表示有除衫戲，問是否大膽親熱戲？他說：「總之尺度係出到街。」他指跟身材嬌小的谷婭溦身高有大距離，但可「就位」解決「長短腳」問題。