The Do Show｜與鄭裕玲暢談與老公金泰勇婚變傳聞 湯唯：好喜歡香港的節奏

湯唯與導演老公金泰勇當年拍攝電影《晚秋》而認識，及後於韓國拍廣告期間重遇並發展成戀人，繼而於2014年結婚、2016年誕下女兒。湯唯一家人長居於北京，早前屢傳出湯唯與老公分居及婚變傳聞，湯唯澄清指老公需要中韓兩邊飛兼顧工作，如果無工作就好想陪住大家。日前，湯唯接受鄭裕玲（Do姐）訪問，大談與老公相識經過，表示外界嘅流言影響唔到佢哋，訪問中更談及考入中央戲劇學院嘅經歷及對香港嘅印象。

湯唯與老公平日都以英語溝通，指當時與老公認識時成日吵架：「因為我為人比較直接，如果遇到一些我不懂的地方，我會直接衝過去問他，但他只輕輕一句『嗯』，常常都嚇到他。」後來湯唯發現對方係一個好好嘅傾聽者及朋友，可幫助佢解決生活上問題又好了解自己。面對外界指二人離婚之傳言，湯唯回應：「完全不可能發生，不太在乎流言，因為我們的生活過得很開心，每天各自有自己要忙的事，最重要是我們都專注照顧女兒。」例如前陣子湯唯女兒感染肺炎支原體需住院，二人輪流照顧女兒，先由老公金泰勇陪伴女兒到醫院，等湯唯完成工作後再由佢接力照顧，老公則離京回到工作處。

訪問場地由湯唯特別挑選，原因是訪問地點及座位皆是湯唯2005年第一次到香港到訪嘅地方，佢表示當時每日都喺服務式住宅樓下遊走。湯唯指當年無諗過做演員，因為嗰陣佢想讀嘅陶瓷班無開班，又見到附近嘅中央戲劇學院招生，本身改讀導演系嘅湯唯畢業之後反而搵到拍劇機會，於是開展咗其演藝之路。湯唯又透露自己喜歡透過語言了解當地文化：「好喜歡香港的節奏，如果你唔講廣東話，其實溝通上係會爭啲，用普通語節奏係無法融入」，又指喺呢度好舒服，好鍾意香港人相處模式好直接。湯唯與Do姐嘅訪問最後播出彩蛋，湯唯笑言曾與女兒講過：「第一位是我爸爸媽媽，第二位是你爸爸，第三位是你」，透露女兒聽到就開始喊，湯唯則向女兒解釋指因為有一日女兒會離開，將來會有一個好似爸爸咁嘅人出現。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！