世界那麼大 咁多語言你講晒?

去旅行最怕雞同鴨講，浪費寶貴既時間之餘，講不出聲分分鐘連飯都冇得食。怕比人笑自己啲goodest English？唔洗用靈格風既，一件衫就可以幫到你啦！

符號我地日日都見，但點解會有人諗到將佢地擺上T-shirt呢？原來有好多野真係針唔吉到肉都唔知痛……事源有三個瑞士人去到阿富汗旅行，因為同當地人溝通唔到，於是乎就慘慘豬咁挨左成個星期乾糧。呢個經歷令佢地決定設計一啲旅行必備既符號，等你手指指就可以輕鬆搞掂衣食住行。

就算你精通多國語言，都有機會因為accent而聽到一舊雲。睇真啲呢40個符號，有各種交通工具、天氣同消閒活動。無論你想做個文青行書店，抑或麻甩地啤啤佢，指一指就搞掂！當然，一啲基本既服務，好似係急救、Wifi同下半身……去便便既符號都唔少得啦！

有左呢件衫傍身，以後去旅行小編應該只係會講this this this……

圖片及資料來源: http://www.boredpanda.com/travel-shirt-iconspeak-world/

▲認識KKday▲

KKday-世界旅遊體驗網站，在全球 54個國家，174 個城市， 有 4000多種不同的行程與體驗。 KKday內有最特別、最意想不到的的世界行程體驗！不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩，一站解決安排行程的困擾！現在，想來一場與眾不同的旅行就來KKday找行程，一起去冒險吧！

KKday 網頁：
www.kkday.com
KKday Facebook:
KKday