TVB台慶劇曝光?傳馬國明鍾嘉欣《星空下的仁醫》10月播 另一套係《金宵大廈2》?

·3 分鐘文章

ViuTV今年氣勢強勁,TVB全年都冇放軟手腳,搵曾志偉加盟做高層執好綜藝節目之後,《聲夢傳奇》同港姐決賽都有唔錯嘅收視。反觀劇集成績就被比下去,王浩信搭惠英紅嘅《刑偵日記》甚至成為近10年最低收視嘅黃金時段劇集。台慶在即,用嚟「省招牌」嘅台慶劇更加不容有失,有傳由馬國明同鍾嘉欣主演嘅《星空下的仁醫》,將會接住《把關者們》喺10月底出街,估計好大機會以「台慶劇」嘅牌頭宣傳!

星空下的仁醫
星空下的仁醫

前稱《兒科醫生》、《兒童醫院》嘅《星空下的仁醫》,我地年初就睇好係台慶劇大熱。畢竟有鄭嘉穎、馬國明雙視帝壓陣,再加本身都係男女主角級數嘅鍾嘉欣同羅子溢,仲有重返TVB嘅周家怡,計卡士已經贏晒。《星》舊年12月拍完,做埋後期都仲有時間俾高層睇睇係咪值得力谷,而家傳出成為台慶劇都係意料中事。

【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇
【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇
【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇
【2021 TVB劇】5套最值得期待新劇 《刑偵日記》王浩信惠英紅玩分裂人格 《兒科醫生》有機成台慶劇

每年TVB台慶都會搵2-3套劇做台慶劇,睇返大台手上存貨,另一套有機會被力捧可能係《金宵大廈2》。《金宵大廈》以奇幻劇情成功突圍,今輯故事據知更加錯綜複雜;而陳山聰同李施嬅呢個組合亦被觀眾受落,作為台慶劇就可以順水推舟推佢地成為視帝視后大熱,話題同收視都有齊!

TVB仲有一批大製作劇集未播,不過比起《星空下的仁醫》同《金宵大廈2》,成為台慶劇嘅機會就細啲喇:

《白色強人II》

白色強人II
白色強人II

論卡士唔輸俾《星空下的仁醫》,有郭晉安馬國明胡定欣兩皇一后格局,不過又係馬明做醫生,要成為台慶劇?除非臨時抽起《星空下的仁醫》啦。

《唐人街》

唐人街
唐人街

武打加泰國外景,又被認為係《城寨英雄》姊妹作,仲有陳展鵬加唐詩詠,配搭《星空下的仁醫》的話,一動一靜有吸引力喎。弊在套劇拍起2年半都未出街,合該有事。早排又傳煎pan同唐詩詠對大台唔多聽話,可能最終擺喺年尾年頭嘅「炮灰檔」播。另一套卡士相若嘅《超能使者》,都可能要擺一排嘞。

《飛虎之壯志英雄》

飛虎之壯志英雄
飛虎之壯志英雄

《飛虎》系列向來收視唔錯,上年《飛虎之雷霆極戰》平均收26點以上,連主題曲《呼吸有害》都成為年度歌曲。今輯男角陣容亦都夠開幾套劇,有苗僑偉、黃宗澤、吳卓羲、馬德鐘、張兆輝、郭晉安、陳豪、蕭正楠!成為台慶劇都唔出奇,不過因為係內地合拍之作,檔期可能要同合作平台配合,而暫時仍未見有宣傳預告,所以機會低啲啦。

按此下載 Yahoo APP 9月免費送一萬個蛋撻王Q嘜蛋撻,仲有貓山王榴蓮冰皮月餅/鳳梨奶黃月餅同你賀中秋,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能